呢班跑手嘅毅力同決心,絕對不容質疑。
呢班跑手嘅毅力同決心,絕對不容質疑。(圖片來源: 陳國強個人Facebook)

「香港精神超馬隊」締造咗3項世界紀錄:10人24小時、12小時及6小時跑步總距離最長。見到香港有跑友做到咁嘅成績,無論有無「破」紀錄,我哋當然感到興奮。

不過,亦有不少人提出質疑。

質疑者認為,呢個「10人24小時跑步總距離最長」,亦即總共1875.8公里嘅紀錄,比起去年24小時超馬比賽,頭10名成績嘅總和更少,覺得未夠代表性。

香港超級馬拉松協會在其Facebook專頁回應如下:

「誰都知個人成績,可以更好,但同一地區的固定一隊人,應該不能相比,任一個比賽,不計國藉,無固定任何人,想一下就明白。若大家比較主觀思路,以“隊”做單位的難,隨便用比賽前10名來比, 這樣對我們不公平吧!」

「場地距離是田總副主席仗量,會有AIMS證書,IAU國際技術委員郭豐州先生也在場,國際裁判簽成績。所以這紀錄,完全有認受性。」

[世界紀綠之誕生] 1875.8公里逹成_01此外,亦有人覺得這次頒發證書嘅機構係「世界紀錄協會」,而非「健力士世界紀錄」,權威性有限。

根據香港超級馬拉松協會喺Facebook嘅回覆,就話健力士紀錄嘅「收費非常貴」,超馬協會負擔唔起呢啲開支!

又咁講,「健力士世界紀錄」(Guinness World Records)有超過半世紀歷史,係世界公認嘅權威機構。而呢次「10人24小時跑步總距離最長」,並非佢哋原有嘅紀錄,需要經過機構批准。佢哋會考慮紀錄有無意義、能否計算等因素,去決定接納呢項紀錄與否。

至於收費,健力士世界紀錄總編輯Craig Glenday接受Business Insider訪問時就強調,只要該項紀錄有意義,「Record-breaking is free and open to everyone」(破紀錄係「免費」,並且人人有機會)。

另一邊嘅「世界紀錄協會」,為香港嘅註冊機構,2009年成立,官網亦充滿中國特色。據官網資料,有唔少知名品牌 (如可口可樂、P&G)都委托佢哋締造紀錄。

有質疑者就覺得,呢個情況一如「諾貝爾和平獎」vs 「孔子和平獎」,的而且確,「世界紀錄協會」部份紀錄非常騎呢,包括陳奕迅及謝霆鋒有份參與嘅「世界上最多人參與的“雞蛋仔”美食活動」。

最後或者咁講,呢次參加嘅一班跑手同埋支持者,毅力同決心不容質疑,而呢項紀錄無論係由咩機構頒授,都唔可以抹煞佢哋嘅努力!

資料來源:Business Insider

更多:
Fitz.hk Facebook專頁
[世界紀綠之誕生] 1875.8公里達成!
[香港的馬拉松] 全馬 半馬 及 超馬
Fitz Running 跑步

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。