國內民眾做乜都鍾意一窩蜂，好似話，佢哋會一窩蜂去日本買廁所板，一窩蜂去健步，一窩蜂去廣場跳大媽舞……
近年跑步文化盛行，國內城市都一窩蜂去搞長跑比賽。
根據內地傳媒統計，2017年年尾嗰3個月 (即十月、十一月及十二月)，全國比賽數量高達85場。喺10月最後一個周末，亦總共有22場比賽，其中有一半係超過1萬人參加。
----- 廣告 Ad -----
而呢22場比賽，總共就吸引咗17萬人參賽!
根據組織者所講，國內比賽以南部地區最多，而呢啲地區因為要避開春天多雨潮濕嘅天氣，會將比賽集中喺年尾。咁就令10至12月，成為比賽泛濫嘅季節。
不過，官方講法就話呢個熱潮唔會咁快停。中國田協就估計，全國嘅比賽會由今年嘅300場左右，到2020年會增加至每年800場。
台灣的超馬名將李清言，搞3場比賽3場都取消，被指拖欠退回的報名費。 (台灣蘋果日報截圖)
比賽多唔代表係好事。睇番台灣經驗，比賽過多，會令比賽質素參差，跑友中伏，甚至引來騙徒混水摸魚，而香港亦開始出現比賽氾濫情況。
與其不斷增加比賽場數，不如控制一下比賽嘅質素!
資料來源：淅江在線
----- 廣告 Ad -----
Fitz Facebook專頁
[新娘潭路謝絕比賽] 三項賽事被逼讓路 田總也中槍
香港長跑行山比賽時間表
Fitz Running 跑步
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。