美國嘅 David Rush 日前參加 YMCA Famous Idaho Potato 半馬，並以 2:47:55 完賽。呢個時間當然唔算快，但佢仍然打破健力士世界紀錄，因為佢係著住111件Tee上場。
David 話著住咁多件衫跑步一啲都唔容易，111件Tee要花20分鐘著上身，而跑步時雙手唔可以正常擺動，更加因為大量出汗而要不斷補水。不過 David 就話好 enjoy 呢場比賽，亦好開心打破健力士世界紀錄。舊紀錄喺本年2月由 David Eliuk 著住90件Tee保持。
其實 David 係雜耍專家，擁有超過200個健力士紀錄，最廣為人知係連續52個星期，每個星期打破一個健力士紀錄。David 相信，佢打破呢啲紀錄可以鼓舞世人，並向社會發放更多正能量。
資料: Running Magazine
最update運動資訊
