香港街馬2016為第三年舉辦，賽事分別有10公里，半馬以及隊際賽
街馬對比其他賽事，多了一份玩味，尤其設有最佳扮相奬(cosplay)
我們一早將目標釘在隊際賽上，未開始報名之前，已經分了8小隊，由每隊隊長負責報名，最終成功報了8隊隊際賽，7個個人賽
報名完畢之後，開始研究cosplay的可能性，起初打算每隊自己一種裝扮，之後，肥安娜提出不如玩大堆頭，而且團隊當中有一名來自弗得角的成員Emanuel ，倒不如由他來做包青天(Mr.Bao)⋯⋯
Mr.Bao 已在，剪蕉(yo)，公孫賊(Derek)，張聾(Tony)，趙苦(franky)，皇朝(Edward)，馬汗(Eric)，迅速自動歸位，但只得一眾大哥係唔夠嘅，要搵幾個捕快執頭執尾(發記、kit、肥蘭奇、man)
劇情方面，由於包公案一定有冤情，而根據包公系統入面有個大佬級-龐太屍(Romeo)，他勾結法蘭西番邦大使-艾弗.U(阿神)，貪圖陳氏寶物烏盆(Joe 由於未能參與，被代表為烏盆)，陷害犯婦人陳氏(肥安娜)，案件真相最後由龐太屍身邊Y環(Jen)、家丁(Niko,Lou)、茶庄店小二(6師兄)供出，tbb劇情⋯
有了劇情，就要訂衫，肥安娜在短時間內訂購全部服裝及道具。好了，還有一個問題，澳門去香港航班04:00之後就是06:00，街馬8:30開跑，6點船是趕不了，唯有坐4點船去香港跑半馬⋯
(為了跑步，有幾盡去幾盡！)
可惜仍然難逃天意，街馬當日黃色暴雨警告信號，一班cosplay裝扮的跑友已經難跑。再加上暴雨⋯
不過，仍然阻止唔到我地開封府開庭審案！
威⋯⋯武⋯⋯⋯
升！堂！
開封府18人+烏盆一個，正式開跑，另外，特別感謝一眾訂唔到cosplay衫的跑友，陪同我們，以低速前進
賽事途中，跑友見到犯婦人陳氏，就大叫：走犯呀！
見到Mr.Bao大叫包大人，又將龐太屍認錯為財神⋯⋯
最後在大雨下完成開心之旅
後記：
我們經常提及，跑步有好多種可能性，只是不知道為何給人誤解，我們要追求成績，拼時間，推跑友上馬，令跑友受傷⋯
這次街馬，正正表現出我們對跑步每一種可能性的追求，並非每場比賽也要好成績好時間才算成功，並非一定要sub3、sub130方才算是跑者
將開心跑步嘅信念，感染他人，將快樂元素重新放到跑步上，不用理會他人說什麼，我們跑我們的賽道
最後犯婦人陳氏可以沉冤得雪嗎？
烏盆又何去何從？
不知道，亦不需要知道，我們只是享受著過程，結果並不重要
作詞：黃霑
作曲：楊秉忠
編曲：鮑比達
主唱：林子祥
願世間 有青天
願天天也見太陽面
熱紅我心 曬黑我臉
教我在人世找美善
混濁成河 處處污染
退渾流 清風前線
望紅日發誓 雄姿英發
號召同路人 為人類建樂園
盡全部努力 丹心一片
為乾坤 開拓新鮮
就讓我心裡 天天見青天
開封府就今次香港街馬發出緊急公告：
>
皇室貴族：
今次香港街馬真係差到無朋友，明知會落雨境竟然寄存唔只露天仲要水浸，所有人的寄存都濕晒，$350報名費得個牌毛巾都無條，路線更加唔好提，跑行人路上行人天橋還要跑草叢，真係低Q能，以後都唔會再參加香港的跑步賽事。
欽差大臣：
點解香港d比賽可以安排得甘差，又係一次落湯雞，d袋濕晒，租個帳篷要好多錢咩？無解。街馬，路段差，窄到連行路都迫丫，安排又差，俾左400蚊報名費，得tshirt 一件， 連毛巾都無條 ，真係五會有下次.下次d香港賽要諗下先好再去👎🏻👎🏻👎🏻👎🏻
編按：開封府各官民，俱為馬交市朋友，專誠過大海遠赴香港參賽。
更多：
Fitz.hk Facebook專頁
百日千里
好想同你瘋狂跑5k之羅. 莽. 陣!
Fitz.hk Running 跑步
跑步除咗健康，訓練、比拼之外，應該仲會有類似心靈雞湯之類嘅感受，將正面訊息傳遞開去。我以722為終身號碼，參與各大小賽事(722 — 7代表妻子，22代表兩名兒子)。
