台灣60歲牙醫黃廷芳，為咗慶祝自己60大壽，兼且慶祝佢完成第300場馬拉松比賽，把心一橫，參加全台灣路程最長嘅馬拉松，由台灣最北端基隆，跑足八日到達最南嘅鵝鑾鼻，總共560公里！伯伯仲嫌唔夠喉，之後跑返鄉下拜山。總之，一場比賽，滿足晒佢三個願望啦！
黃伯伯完成後，仲話呢次比賽一定係最好成績，因為佢至少跑前四十名，事關成個比賽只有四十人完成賽事。
呢對火紅美津濃，係完成比賽後囝囝送畀佢。
----- 廣告 Ad -----
黃廷芳參加嘅係台灣超馬界有「雙塔賽」之稱嘅「縱貫臺灣國際超級馬拉松賽」，大家亦可以去黃廷芳嘅facebook了解更多。
資料：自由時報
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」