ATT63607 1今晚,我和Anson參加了吳師傅的長跑班,Anson 話:好好玩,真係好好玩,好厲害可以跑馬場,覺得自己好犀利,馬場咁大,都可以跑咗兩個圈,(聽得出他好有滿足感!)佢話下星期一定要再去喎!

同場,還有另一個年齡相若的小男孩,都是8丶9歳啦,他們兩個小男孩,走在一起聽教練們指教,熱身過後,已經無跟住我喇!兩個小男生一起跑丶一起坐丶一起拉筋丶一起去飲水,有伴真好!兩個玩得不知幾開心!相信佢一定會再去!

而我也心存感激這個小男孩,哈哈,這個伴不得了,同我個仔一齊跑呀跑丶衝呀衝丶盡情放電丶兩個自己聽教練指導丶跟住做,唔駛我陪丶唔駛我帶,大大減輕了我的照顧壓力,多好!

今次,親子跑步班,其實係Anson其中一項暑期活動,Anson想好似媽媽咁跑步,媽媽見吳師傅有親子跑步班,很好呀!有機會跟教練學習正統的跑步知識和技巧,就讓他試試啦!ATT95394 2到場時,我和Anson都有點緊張,原來不只是小朋友跑步丶親子跑步,還有30幾個大人戰鬥格咁等上長跑班,唔係唔驚呀?幸好教練認真而輕鬆,我們也很快好投入地跑呀跑丶衝呀衝。

其實今次,唔係我帶埋個仔去上跑步班,係我呀仔帶我去參加跑步班,陰功,我今朝早先5點晨跑完10K,勞累咗一天,我還以爲晚上的親子跑好hea啫,媽媽參與吓簡單啦,原來非我所想!

玩到咁大呀,小朋友跑馬場,媽媽陪住跑?大件事喇!你地知唔知呀…我剛剛怱怱忙忙回家,照顧完兩位小可愛,做了一連串家務,再趕來,唔好忘記媽媽我…今朝早5點慢跑過10K….我明天仲要返工㗎!我得唔得㗎!會唔會不支倒地㗎!早知…

跑完一個馬場圈warm up,無乜嘢吖,點知…之後教練話現在計時,小朋友再跑一圈,大人再跑兩圈,我聽到有點汗額,我親愛的兒子和那個小男孩,仲竟然衝到最前,媽媽我為左跟著他,出盡力狂跑,想哭都要死跟,心諗 : ANSON LEONG 你好嘢!你是明乎其實的電兔,現在賽狗呀?要我追住你!仲擰轉頭大叫:媽媽跑快d丫,計時㗎!喂呀~賽道上好多人聽到㗎,唔好咁講嘢啦,心諗媽媽我跑咁慢好醜啫,救命,我已經盡力喇!我冇人地爸爸跑得咁快,可以陪著那男孩平排跑呀!

跑到第二圈時,已經倦到不堪,個心好想放棄,想諗辦法偷走,真係諗過幾次點可以偷走,我驚會猝死呀!事實係教練丶助教非常充足,沿途每隔幾百米就有助教站崗支援丶叫我地加油,我唯有乖乖地跑快d,仲有半個馬場圈,我竟然聽到我個仔大叫:媽媽加油呀!跑快d!唔係呀?馬場咁大,我同佢相距對面看台咁遠,都聽到佢嘅叫喊聲,太感動了,我知道我個仔一定在終點等我了,多謝我個仔在我無力時,呼叫我,叫醒我要堅持丶不要放棄!

今晚,Anson總算乖乖丶聽話丶無失禮,可以盡情發洩精力,又認識到新朋友!真的很感恩,小小年紀可以有機會跟吳師傅和各教練,學習長跑知識和技巧,而且可以和其他大人一起學習,和大人一起坐丶一起企丶聽教練指導,對於小朋友來說是很好的體驗,學習認真學習!

落堂喇!可以去買朱古力奶飲喇!竟然。。點解一個個媽媽來接放學嘅?我仲見到那位小男孩的媽媽來接放學,原來那個陪他跑得很快的,不是爸爸,是長跑同學!點解媽媽們無跑嘅?點解咁㗎。。吳師傅聽到,即刻對我說:你要練呀!哈哈哈,我會呀!我會努力練跑!今晚,我賺咗!ATT14027 3更多:
[媽媽跑呀跑] 溫柔的媽媽是如何鍊成的
靚媽Joanne其他文章
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

廣告
靚媽Joanne
半年之內,輕鬆跑完第一個10公里丶初半馬丶初全馬@名古屋女子馬拉松。身體力行,身教兩名子女,堅持丶努力丶不放棄。研究跑步禪,帶病友慢跑減壓,學習放下丶放空丶放鬆,提升身心靈健康。用生命感染生命,鼓勵身邊朋友,越跑越 Fit,越跑越靚。http://www.facebook.com/joanneli246