Fitz > 運動 Sports > 跑步 Running > [康復香港] 戴住口罩跑步得唔得?
2013年台灣跑友戴口罩跑步對抗空氣污染

疫症之下,口罩隨身,係每一位香港人應做嘅事。雖然話香港馬拉松取消令唔少跑友頓失人生目標 (!),但呢個時勢最令大家惆悵嘅,可能係跑步時係咪應該要戴口罩。

唔講理論,講實證。台灣於2013年就因為空氣污染嚴重,有愛跑人士就戴住口罩跑步抗議。經過實證,佢哋發現戴住口罩跑步有好多問題:

  1. 口罩阻擋污糟空氣,同時亦阻擋氧氣吸入,跑步時吸入氧氣少咗,跑得更辛苦
  2. 跑得耐咗汗水或口水鼻涕會整濕口罩。口罩濕更令人難以呼吸

呢班台灣跑友建議,喺熱身之後就要將口罩收起,以免影響跑步表現。問題係,細菌病毒唔會因為你熱身之後會消失,所以你仍然置身於危險之中。

疫症下跑步建議

  • 跑步路線: 選擇一條開揚、少人嘅路線,例如吐露港公路、青山公路,跑上山亦係唔錯選擇
  • 減少運動量: 過度訓練會影響身體免疫力,跑步距離或時間,宜減少至平時的一半
  • 不要團練: 人群聚集容易招致疫症,這段時間「自私跑」也不為過
  • 跑步前後補充足夠水份、食物

資料參考: 霍爾的健身城堡