2019年1月6日，廈門國際馬拉松起步。消防員徐佚豪話為咗「挑戰自我，挑戰極限」，孭住10公斤重嘅氧氣樽跑足全程，沿途更網上直播，一時之間喺成為網絡紅人。
不過，跑完之後，徐佚豪被指取用其他人嘅號碼布參賽，不少人向賽會以至中國田徑協會投訴。結果徐佚豪被裁定違規參賽，判罰終身不得參加廈門馬，以及由廈門馬拉松主辦單位舉辦嘅比賽。
徐佚豪
除咗徐佚豪之外，當局仲將其他14名選手「繩之於法」。違例嘅事項包括:
- 在非指定區域起步 (如第二槍選手走咗去第一槍起步) > 取消成績及排名，並停賽一年
- 採用非賽事號碼布 (即假號碼布) > 取消成績及排名，終身不可參加廈門馬，並要求田協懲罰
- 私自轉讓號碼布畀其他人 > 取消成績及排名，終身不可參加廈門馬，並要求田協懲罰
- 使用他人之號碼布參賽 > 取消成績及排名，終身不可參加廈門馬，並要求田協懲罰
(按圖放大)
懲處公告一出，內地媒體當堂嚇親，唔少人都覺得懲罰比過往為重。不過，大多數人都支持判決，覺得可以殺一儆百，回復內地比賽嘅秩序。
反觀香港比賽，間中都有代跑疑雲，甚至男人戴上女子組號碼布參賽。不過無論網上對呢啲違規事件炒得幾紅幾熱，主辦單位似乎都聽唔入耳，更加未聽過有咩懲罰行動。呢方面，似乎比中國大陸更加落伍。
資料來源: 騰訊體育
Fitz連結: https://fitz.hk/?p=111831
更多:
Fitz Facebook專頁
[跑步猝死] HCM防不勝防 比賽出事避無可避?
[箱根驛傳2019] 跑鞋統計 Nike Vaporfly 4%完勝
[渣馬備戰攻略] 比賽一個月前的4項準備
Fitz Running 跑步
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。