愛旅遊、愛跑步的我,遊歷了大半個地球,仍然有一個夢想地方,總是被她的神秘、奇特、孤寂深深吸引著,只可惜她來自地球另一端,旅程計劃比較困難,她就是南美的「復活島」。

無獨有偶,在旅遊小廣告格上見到復活島馬拉松2017,竟然? 咁咪可以滿足兩個願望? 心情突然失控,即時報名,自由行連報名費$2000加埋為港幣5萬? 諗都唔諗就 Deal(好似中左降頭)不惜工本只求成功報名,因為全球名額只得180位,最後成功,可惜太太請唔到假,注定要孤身走我路。

出發復活島不算太順利,技術出錯結果要香港飛巴黎13小時、巴黎滯留18小時、巴黎飛聖地牙哥14小時、聖地牙哥飛復活島5小時,一個50小時既交通時間,不理好壞都會是個經典體驗吧(樂觀點),可幸還是準時到了會場領取選手包。

沒有國際級 expo,取了 kit set 就進入簡潔會場,一杯果汁就開始簡介會,點知第一幅 powerpoint 睇完即刻呆左,原來頭20公里是不停上鈄(見下圖),中了死穴,不聽也罷(反正唔識南美話),回酒店加碳休息哈哈。

比賽日風和日麗,不同國籍跑友聚首一堂很熱鬧,智利、巴西、阿根廷跑手佔多數,雖然語言不通但眼神手語交流,依然風趣,我更被大會讚揚我專屬設計的獨有戰衣很美觀,加上我是唯一的香港人,於是被獲邀在頭排起步,榮幸的贏在起跑線…200米咁多啦…XD

路線及補給站非常簡單,島最南端至北一來一回,每5公里一個(水)站,跑到40公里都只係能量水和清水,好彩離港前搵楊肇麟教練買了早餐補品和優質 Gel,至令我全程沒有饑餓感。

這次賽事純粹觀光為主,沒有時間包袱可以盡情享受零污染的動人美景,沿路感覺很奇妙,參賽者不多所以疏落地拉開了距離,加上沿途渺無人煙亦沒有任何建築物(因島上只有九千多居民全部住在市中心),所以我會因為每5公里終於見到一個人而歡呼,原來呢個世界仲有人,我估得呢度先會咁。

中途有一段插曲,我見跑道旁邊遠處有座著名的摩艾地標,於是我二話不說就偏離跑道去留倩影,附近遊客都奇怪點解會有跑手走過來,來回多走了約一公里,完夢想還是值得的。

雖說是郊遊mode,但都有撞牆時刻,始終鈄路太長太甘,不過仍然愉快地邊跑邊行邊賞邊影咁跑完這個夢想馬拉松,手執完成牌,還了半生心願,人生幾何?


復活島馬拉松路線

復活島馬拉松官網

更多:
Fitz.hk Facebook專頁
跑佬的定義
嚇L死人咩! 比賽玩呢啲
Fitz Running 跑步