Gesa Krause 衝線一刻，受到群眾熱烈歡迎
每年除夕，德國西部小城填 Trier 都會舉行長跑比賽，今年參加者包括30歲嘅 Gesa Krause。Gesa 並唔係前列份子，佢只跑出17分31秒第20名過終點，不過仍受到高度關注，因為佢係陀住五個月大嘅BB參賽。
Gesa 代表過德國參加三屆奧運，當中3000米障礙賽係佢拿手項目，曾經贏得獎牌。每一年佢哋都會去 Trier 參加呢場除夕跑，今次佢雖然懷有身孕，但無阻佢對跑步嘅熱情。
「我係專業運動員，運動係我嘅一切。與此同時，我亦夢想自己擁有下一代。雖然懷孕同照顧小朋友，可能會影響我嘅運動員生涯，不過歷史證明有好多好出色嘅田徑媽媽，我會向佢哋學習。」
Gesa 嘅目標係參加2024年巴黎奧運，佢承認呢個年齡要取得入場券並唔容易，不過到時有BB嘅鼓勵，相信會出盡全力爭取佳績。
資料: DW
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。