我地好有信心完成南極 100km , 大家要撐我地呀!

出發前最後一次長課, 點知無左隻跑步錶 (咁點算呀??😱😱😱), 唯有響屋企求其揾隻錶頂住先, 全靠感覺去跑 ; 結果 d pacing亂晒,頭 30km開快左, 加上之前食唔夠野,搞到好肚餓要中段停低去左茶餐廳食左個飯 (哈哈哈😅😅😅). 今日氣温驟降, 加上相當大風, 順風嗰陣好似有人推住你跑, 逆風就慘🐽囉, 同風鬥力好似跑緊條大斜路咁, 消耗左好多體力, 但同時比我地當實習下極地刮起風上嚟嘅境況。




Baby G , 剛剛出嚟跑步嗰陣就係帶住佢, 後尾買左心跳錶佢就入左冷宮, 估唔到今日要靠返佢 XD

今日練左 50km; 完埋今次長課, 我地會各自keep 住練習 warm住對腳。 唔經唔覺,原來只餘下 10 幾日我地就出發啦!以目前練習嘅情況, 我地估計及目標 16 個小時內完成南極100km ! 大家要支持我地,同埋繼續踴躍捐款呀!😃😃

南極100公里超級馬拉松比賽籌款專用網頁

南極100公里超級馬拉松比賽Facebook專頁

Gary Leung – 視障跑手 Facebook 專頁


文章為作者意見,不代表Fitz立場。

歡迎投稿: http://fitz.hk/contribute/

張思縈
任職社工,從事戒毒服務已有十八年, 也是一名運動愛好者、旅者以及攝影人; 喜歡嘗試新事物,並相信透過參與、實踐更能體驗人生。於 2015 年遠赴北極參加馬拉松,希望以克服極地環境之挑戰,宣揚「走出局限,奔向夢想」之康復訊息,鼓勵康復群體抱緊信念,努力跨越康復道路上所經歷之障礙,堅守康復方向,繼續追求人生所訂立之目標。