出發一刻

1月13日
出發啦!! 出發啦! Gary 同Jennifer 已經上左飛機,向南極邁進。今日香港撒瑪利亞防止自殺會主席周婉芬女士同一眾贊助商黎到機場為佢地打氣,祝願佢地比賽順利平安。
佢地將會o係1月20日到達南極並於1月21日進行比賽,祝佢地順利完成!

1月14日
我地已經啟航向智利進發啦! 點知第一程機就危機四伏! 發生乜野事呢? 就係我地左右邊同埋後邊嘅乘客不停係咁咳呀!仲要全部都係無帶口罩咖!! 😱😱😱😱😱

地球真係太危險啦! 快 d返火星先! XD

1月15日
我地已經安全抵達智利嘅聖地牙哥啦 ! 😄😄

旅途暫時尚算順利, 不過唔好彩地飛嚟聖地牙哥嗰程機坐我左手邊嘅乘客又係不停咳同呻鼻水! 死火, 我好似中中地招有 d鼻水同鼻塞塞添…. 😷😷

搭左咁長途機我地都有些疲倦, 於是響機場乘坐 shuttle bus落 downtown匆匆食埋晚飯就返酒店休息。 早睡早起, 希望可以盡快恢復狀態迎接比賽啦!

Gary與航班上的機師合照

響餐廳試左智利特色美食 lomo a lo pobre (其實即係一塊 steak 鋪左兩隻蛋響面 + 一大堆薯條) , 好大份, 可以夠兩個人食。



小偉與Jennifer張思縈今次壯舉,亦同時為「撒瑪利亞防止自殺會」籌款,藉以宣揚「跨越困難、飛越夢想」之精神,鼓勵逆境自強,創建美麗人生。

籌款專頁: charitable choice

南極100公里超級馬拉松比賽Facebook專頁

Gary Leung – 視障跑手 Facebook 專頁


文章為作者意見,不代表Fitz立場。

歡迎投稿: http://fitz.hk/contribute/

張思縈
任職社工,從事戒毒服務已有十八年, 也是一名運動愛好者、旅者以及攝影人; 喜歡嘗試新事物,並相信透過參與、實踐更能體驗人生。於 2015 年遠赴北極參加馬拉松,希望以克服極地環境之挑戰,宣揚「走出局限,奔向夢想」之康復訊息,鼓勵康復群體抱緊信念,努力跨越康復道路上所經歷之障礙,堅守康復方向,繼續追求人生所訂立之目標。