大陸最近流傳一條短片,喺一場100米短跑賽入面,當跑道裏面選手跑到氣咳時,賽道外嘅孭住成身裝備攝影師竟然跑得維持更高速衝過終點,技驚四座。

呢場比賽係山西大同市一間高中嘅運動會,攝影師叫郝曉陽,係大學四年班學生,佢只係返母校幫手拍下片,並無落場比賽。

郝曉陽係大同大學體育學院讀四年班,本身係運動健將,喜愛運動攝影。呢次佢身上孭住8公斤攝影器材,跑上嚟其實一啲都唔輕鬆。不過佢仍然話:「其實都要減速等佢哋囉。」

佢話運動攝影工作,令佢可以用另一個角度欣賞比賽,所以雖然辛苦,但仍然樂在其中。

我哋比賽時有咁多靚相,確實要多謝呢班不辭勞苦嘅攝影師。

資料: 搜狐


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 攝影師跑得快過選手,短片震驚14億人民