香港衛生防護中心對於預防武漢肺炎嘅指引，話「市民應減少外出及避免聚餐或聚會等社交活動，並盡量與他人保持適當的社交距離」，但係並無明確講明點先係「適當的社交距離」。而台灣、歐美各地都有唔同嘅講法，一般講法係室內要保持1米距離，室外要有1.5米。
不過，一個由兩間歐洲大學合作最新研究證明，喺步行、跑步以及踩單車嘅時候，經由飛沫散播病毒嘅距離遠遠唔只1.5米。所以大家做運動嘅時候，應該要加以注意，為己為人，以免傳播病毒。
前面跑步後面中招
研究由比利時大學 KU Leuven 同荷蘭大學 TU Eindhoven 合作，佢哋透過電腦模擬影片，顯示人類喺步行同跑步嘅過程中，散播嘅唾液顆粒嘅距離同位置。從下面電腦動畫之中見到，前面散播嘅水滴清晰可見。 (紅字嘅顆粒係最高危)
負責嘅 Bert Blocken 教授話結果表明:
- 行前面嘅人會將病毒傳畀後面嘅人。就算後面嘅人戴口罩，但病毒都要沾上佢嘅衣服或身體
- 跑步或步行，會將病毒傳得更遠
- 根據模擬測試，步行要保持嘅安全距離為4米，跑步及慢速踩單車遠10米，高速踩單車為20米
(2/2) Research was done for conditions without crosswind, headwind, tailwind. But when windy: same rule: stay out of slipstreams. Movie below: for running.
Research @TUeindhoven @LeuvenU @ansys #CFD with @tmmarchal @FabioMalizia88 #aerodynamics #CoronaCrisis #COVID19 #COVID pic.twitter.com/oVM6IPfjvv— Bert Blocken (@BertBlocken) April 7, 2020
不要人貼人
Blocken 教授指，除咗維持安全距離外，做運動時亦需要留意
- 最好並排向同一方向前進 (side by side)
- 真係分前後，都最好打對角 (staggered formation)
- 人貼人 (拉龍) 係最危險，建議跑步及慢踩單車相隔10米，快踩相隔20米
![[武漢肺炎] 歐洲大學研究 跑步踩單車安全距離10米_01](https://i2.wp.com/fitz.hk/wp-content/uploads/2020/04/武漢肺炎-歐洲大學研究-跑步踩單車安全距離10米_01.png?ssl=1 "[武漢肺炎] 歐洲大學研究 跑步踩單車安全距離10米_01")
![[武漢肺炎] 歐洲大學研究 跑步踩單車安全距離10米_02](https://i2.wp.com/fitz.hk/wp-content/uploads/2020/04/武漢肺炎-歐洲大學研究-跑步踩單車安全距離10米_02.png?ssl=1 "[武漢肺炎] 歐洲大學研究 跑步踩單車安全距離10米_02")
![[武漢肺炎] 歐洲大學研究 跑步踩單車安全距離10米_03](https://i2.wp.com/fitz.hk/wp-content/uploads/2020/04/武漢肺炎-歐洲大學研究-跑步踩單車安全距離10米_03.png?ssl=1 "[武漢肺炎] 歐洲大學研究 跑步踩單車安全距離10米_03")
除咗教授提出嘅建議，出街做運動都要做好保護措施，例如出入戴口罩 (甚至跑步時亦要罩)，返到屋企要沖涼同洗衫。
分享連結:
