疫情之下,台灣民眾等地鐵自覺會保持距離

香港衛生防護中心對於預防武漢肺炎嘅指引,話「市民應減少外出及避免聚餐或聚會等社交活動,並盡量與他人保持適當的社交距離」,但係並無明確講明點先係「適當的社交距離」。而台灣、歐美各地都有唔同嘅講法,一般講法係室內要保持1米距離,室外要有1.5米。

不過,一個由兩間歐洲大學合作最新研究證明,喺步行、跑步以及踩單車嘅時候,經由飛沫散播病毒嘅距離遠遠唔只1.5米。所以大家做運動嘅時候,應該要加以注意,為己為人,以免傳播病毒。

前面跑步後面中招

研究由比利時大學 KU Leuven 同荷蘭大學 TU Eindhoven 合作,佢哋透過電腦模擬影片,顯示人類喺步行同跑步嘅過程中,散播嘅唾液顆粒嘅距離同位置。從下面電腦動畫之中見到,前面散播嘅水滴清晰可見。 (紅字嘅顆粒係最高危)

負責嘅 Bert Blocken 教授話結果表明:

  1. 行前面嘅人會將病毒傳畀後面嘅人。就算後面嘅人戴口罩,但病毒都要沾上佢嘅衣服或身體
  2. 跑步或步行,會將病毒傳得更遠
  3. 根據模擬測試,步行要保持嘅安全距離為4米,跑步及慢速踩單車遠10米,高速踩單車為20米

不要人貼人

Blocken 教授指,除咗維持安全距離外,做運動時亦需要留意

  1. 最好並排向同一方向前進 (side by side)
  2. 真係分前後,都最好打對角 (staggered formation)
  3. 人貼人 (拉龍) 係最危險,建議跑步及慢踩單車相隔10米,快踩相隔20米

除咗教授提出嘅建議,出街做運動都要做好保護措施,例如出入戴口罩 (甚至跑步時亦要罩),返到屋企要沖涼同洗衫。

資料: [email protected]


文章為作者意見,不代表Fitz立場。

歡迎投稿: http://fitz.hk/contribute/

永誠
講求綠色、環保、天然的健康生活。推廣新一代健康生活文化。