中國又再發生戴口罩跑步猝死意外,武漢一位朝早跑步嘅男子突然暈低,經搶救後不治。

大陸傳媒消息指,5月4日早上於武昌江灘月亮灣,一名年約40歲男子跑步時突然暈低,救援人員到場急救,可惜搶救無效。暫時仲未知道佢嘅死亡原因,不過有人話,當時公園氣溫接近30度,而呢位男子跑步時戴住口罩,而且之前一晚又飲過酒,所以估計佢天氣熱及戴住口罩跑步有關。

學校體育堂唔使戴口罩

事實上,早前有至少兩名小學生於體育課戴口罩跑步時猝死,中國有關方面對於戴口罩跑步開始有新措施。湖南、貴州等省份,已叫停學生戴口罩上體育堂嘅措施。

今次再發生猝死事件,亦令唔少人關注運動安全問題,例如做運動前要做充足熱身,運動時留意自己身體狀況等。

資料: 新浪網

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。