馬師道「閘口」,離終點不足2公里。萬一被拉閘,絕對係人間慘劇。

正所謂「快腳要PB,慢腳咪DQ」! 對於大多數「跑得慢,唔夠快,無速度」嘅跑友,與其要佢哋研究邊個位加速可以快幾分鐘,倒不如研究點樣唔會被DQ!

享受比賽都有時間限制,今次為大家列出各項目及組別嘅拉閘及DQ時間。

10公里組別限時及拉閘時間

10公里項目 (不包括輪椅賽) 起步時間由05:45至08:15,分6組。限時情況係咁:

  1. 起點:於起步時間後10分鐘關閉起步區,該組別未起步的參加者作棄賽論,不能參加其他組別。
  2. 終點:限時兩小時,逾時者取消資格,沒有完賽證書。

當然,如果你真係好享受比賽,你唔介意無證書,都可以喺東區走廊慢慢行 (不過我哋絕對唔鼓勵,因為咁會阻住其他參加者)。東區走廊喺最後一組限時過咗之後,即係10點15分正式關閉。賽道上嘅參加者,將由大會安排嘅接駁巴士,送返去終點。

全馬拉閘時間

全馬限時6小時,更要準時通過以下關卡,否則會被DQ。

按圖放大

跑緊馬拉松,兵荒馬亂,未必可記到呢啲時間。有人會選擇好似配速表咁,將拉閘時間寫喺手臂上,亦有人Cap圖放喺手機。更有人將呢啲數字簡化。有跑友就將最後嘅拉閘時間用呢個方法記住:

930、1030、1130、1200、1230

除咗數字易記,當中仲有十零廿分鐘走盞,咁就唔怕衝閘失敗啦。

圖片來源: 渣打香港馬拉松大會網站

要注意嘅係,當最後一組 (馬拉松二組,即係7點起步嗰組) 過咗限時,大會係會隨即拉閘截人。換句話講,如果你係全馬一組甚至係挑戰組,就算過咗限時,都仲有機會喺賽道上跑,只係無證書及完賽牌。

以下係2017年馬師道拉閘情況:

半馬限時及拉閘情況

半馬分3組,起步時間為05:45、08:00及08:30,限時3小時。

過咗限時,因為賽道仲未關閉,所以按慣例仍可以在繼續作賽,不過無完賽證書。

咁跑到幾時? 就係根據全馬二組 (7點起步) 嘅截龍時間,所以就算8點半起步,四個半鐘內,應該點都可以完成21公里,1點前返到維園。


中途退賽程序

首先要明白,中途退賽唔代表你可以提早離開賽道返屋企,除非你嚴重受傷,要去醫院接受治療。

而根據大會網站:「大會建議您在水站等候,並向工作人員聲明您要退出比賽,賽會巴士將接載您到終點。」而接駁巴士 (俗稱回收車) 一般都會於拉閘後才出動,接走過咗限時嘅選手,所以中途退賽嘅話,跑手就有可能喺水站等待拉閘時間,先可以坐車返終點。

另外,全馬、半馬嘅水站,每5公里一個。10公里水站在4公里及7.5公里位置。

記住,跑馬拉松並唔係參加毅行者,中途退賽係無得走人返歸的,所以為免飢寒交逼等待回收車,你點都要用盡全力準時返到終點!

更多:
Fitz Facebook專頁
[渣馬Q&A] 呢個時候可以點操? (比賽前的伸展運動)
[渣馬Q&A] 如果明知練唔夠,點樣可以唔使上車?
Fitz Running 跑步

Advertisements