打波先嚟落雨,要怨個天。臨起步甩碌,就只能怨自己。雖則話大戰在即,心情緊張,不過都唔好做大頭蝦!

下面8件事,據講係真人真事,部份仲係「有圖有真相」:

1. 無帶號碼布及晶片
練得咁辛苦,點知去到現場先至唔記得帶布!返屋企拎?定係照去跑放棄個官方成績?(有啲比賽連起跑線都唔你入)簡直係人生交叉點。仲有係,記得帶埋扣針呀。

2. 起跑先至嚟內急
一場比賽閒閒地都一千幾百人參加,臨起跑先發覺自己有人三急,到時排隊去廁所都未必趕得切。年年渣馬,有唔少人未過西隧,就已經要排隊去廁所,有人仲要搞到就地解決添。

北京馬拉松最經典鏡頭。

3. 跌太陽鏡落廁所
有人因為太急於去廁所解決,結果太陽眼鏡、手機等隨身物品,一個唔留神就失落廁所。損失嘅並唔係財物,最大影響肯定係賽跑時嘅心情。

跑緊時去廁所,跌嘢事少,影響心情事大。

4. 手錶無電無訊號
比賽前記得試清楚佢嘅續航能力有幾強,更加記得之前一晚要叉足電。而起跑前,亦早啲連接好衛星訊號。



5. 無帶短褲
有朋友去到現場換衫,先發現自己無帶跑褲,結果要將長褲剪短出賽。其實唔單止跑褲,跑衫、跑襪,甚至跑鞋都要早一晚準備好啦。嗱,跑步群組嘅朋友好鍾意早一日將全身裝備影低,果然有先見之明!

6. 扯斷earphone
一跑到廿幾三十公里,身上嘅裝備甩下甩絕不為奇。其中最常見係,跑手跑下跑下,會將有線耳機一嘢扯斷!好彩而家有藍芽耳機,呢個問題可以避免。不過隨身裝備就真係要諗辦法收好。有人試過跑跑下腰包啲engery gel爆開晒,要一路跑一路搵水沖身。

資料來源:competitor.com

更多:
Fitz.hk Facebook專頁
渣馬專區@Fitz.hk
Fitz Running 跑步

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。