1. 熱身L

圖片來源

他們就如 YouTube 教人熱身短片跳出來的人物,起跑前由頭到腳趾尾都做足熱身,先慢 jog 400米,再動態拉筋,最後100米sprint,重複20次。跟過一次,做完5轉,已經見攰。

2. 散打L

圖片來源

有一跑會除了跑步叻之外,散打都好出名。通常離遠見到穿上整齊會衫的他們,我會立刻掉頭走,避之則吉。他們善長起步時在狹窄空間起弶﹑推撞﹑批踭﹑㧬人﹑戢人。輕則擦傷手腳,重則斷手斷腳。

3. 裝備L

圖片來源

他們不只是悉心打扮這樣簡單,顏色配搭係「杏加橙」咁襯到絕。可能之前聽聞慢腳回程時水站連蕉皮﹑朱古力包裝紙都無,所以咩嘢 power gel﹑power bar﹑朱古力﹑得力素﹑運動飲品﹑鹽丸﹑肌肉止痛噴霧﹑撒隆巴斯諸如此類補給都放哂喺camelbak背囊度,做「孭嘢人」,路賽當越野賽跑。既然孭得背囊,就唔爭在攞埋 GoPro 或山狗或小蟻,神棍,手機,尿袋,Wi-Fi 蛋,起搏器。

4. 自拍L

圖片來源

講到口都臭,我們依然會見到起跑時跑手邊跑邊用手機 selfie,急急喺 Facebook 出 post 炫耀或留念導致混亂,令跑手碰撞跌倒受傷,touch wood,尚未釀成人踩人意外。

5. 直播L

圖片來源

跑渣馬時,傾電話,texting,tweeting,出 post 幾咁平常!


每一年,你都會見到 Joseph Tame 直播東京馬拉松。

圖片來源

仲 selfie? 依家興直播,全程 Facebook Live,同海外親友拜個早年。

6. 郊遊L

圖片來源

10K,半馬,全馬去程回程,你會見到好有郊遊 mood 的男女在東廊﹑昂船洲大橋﹑青馬大橋上卿卿我我,喁喁細語,手挽手散步談心。

在水站前更會合巹交杯,連水站義工都深被感動,說聲「招呼唔到,飲多杯吓」;「先飲為敬,好快亂性」。時辰到,便施施然等上回收巴。

部份趕得及衝線的,衝線後會相擁抽搐喘氣,十足十做完愛 – 回家。明白情侶雙雙衝線係好sweet,好想savor這一刻, 但都不要停留太耐, 後邊仍有很多人衝緊上來。

7. 衝擊L

圖片來源

我在長跑長友第一次出帖,就是寫衝擊L。

渣馬,我的見聞 (《渣馬—衝線乜乜乜》)

我是又投訴又報名的真 香港人。投訴同死人外,渣馬都有些攪笑事。最經典當然是西隧口截人。

見過師兄已給魚網檔著,發老脾燒義工數薄,大叫米阻L著我,之後便衝了過去,後面趕上來的跑手當然鼓噪啦,為什麼讓他過而不讓我們過,問候之聲此起彼落,工作人員感到場面難以控制,最後勞煩慈母交警開鐵馬追回燒人家數薄的跑友上巴士。

我絕對理解跑友感受,苦練了這麼多個月,chur 到西隧口,你不給我完成以下幾公里,習總都無臉畀。緊記西隧是連東非選手都扯爆的。希望你的訓練裡有啪過梅十轉。

8. 口渴L

圖片來源

總有些渣馬選手以為置身沙漠,一見到水站就好似就快渴死咁,鳩衝入去水站餓狗搶屎,造成混亂。我見過一位師兄好似競飲大賽「柱男」咁企喺水站一杯接一杯狂灌,義工要同佢鬥快,密密斟。

我又見過跑友入水站時跣到仆街,成個人好似成龍咁飛咗上張枱度,推冧哂百九幾隻杯,趺到周圍都係,我大叫 WTF。

9. 吐痰L

圖片來源

另一樣我好唔明就係跑步時邊得咁L多痰,一宗人間慘劇發生在我身上,跟車太貼,前面師兄「朗」完口往左邊一吐,水連口水加青色濃痰吐在我隻白色 Tarther 日版上,我立即上岸。現在每逢聽到附近有跑友喉嚨發出 turbo 隆隆聲時,我會特別警覺,pacing 加快到2:30,速速遠離條L。

10. 大嘥L

圖片來源

都係水站,有跑手入水站時係街頭掃到街尾,每張枱都攞兩杯水,兩杯都只是輕呷一口,杯裡仍有大半杯水,他們習慣不會把紙杯掉在指定收集區,而是喜歡好有型地往身後一揈,我給兜口兜面撥過不知多少次,水都 okay,運動飲品就麻煩啲,黐立立,顏射咗要等下個水站先有得洗。

(待續……)


更多:
Fitz Facebook專頁
渣馬前夕(六) 我們都是潛力股
渣馬前夕 (五) 腦癇症的她是『拾科』跑者
陀B跑步傷啲定歹毒留言傷啲
渣馬前夕 (四) 愛與痛的邊緣
渣馬前夕(三) 莫忘初衷
渣馬前夕(二) DLF 好過 DNF
渣馬前夕(一) 一人少句 強片推介
Yiu Kwong [email protected]
Fitz Running 跑步

廣告