新加坡消息：新加坡16歲少年余澎杉（Amos Yee），因在網上諷刺已故前總統李光耀，以言入罪，被判進入精神病院。而早前有傳媒指Amos在拘留時受到不人道對待，包括24小時開燈等殘暴對待。不少國際組織，包括聯合國，已呼籲新加坡政府釋放Amos。
雖然香港仲未過份到，出現Amos呢一類咁明刀明槍嘅酷刑、冤獄，但人同此心，物傷其類，人權問題亦係你我嘅事。
嚟緊星期五6月26日，係聯合國嘅「國際聲援酷刑倖存者日」（International Day in Support of Victims of Torture），國際特赦組織香港分會舉行「跑出人權」活動。報名雖然一早爆滿，不過歡迎各位關注人權問題嘅朋友，著件黃色衫到場打氣：
日期： 2015年6月26日 (星期五)
起跑時間：晚上7時30分 至9時正
跑步路線：添馬公園 － 中山紀念公園體育館 － 添馬公園 (全長5.7公里)
----- 廣告 Ad -----
根據官方資料，參加者除咗沿維港街跑，大會更特設兩段「酷刑體驗」(Torture Runs)，俾大家設身處地體驗酷刑受害者面對嘅情況。至於有乜「酷刑」侍候，到時自有分曉！
資料來源：國際特赦組織香港分會
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」
