獎牌是要咁Show的

古語有云：「若有人不知，唔好上fb。」

有渣馬義工喺facebook一次過show咗四個全馬獎牌出嚟，仲叫大家想要就下年做義工，結果梗係激嬲咗無數跑手 。（小編按：半日後，有關網站聲稱獎牌只是借回來拍照，並不是從「其他途徑」獲得）

講獎牌，渣馬嗰個論設計論難拎程度，實屬普通之選，而最近令女跑手特別關注嘅獎牌（或叫獎品），相信係名古屋女子馬拉松送嗰條Tiffany頸鍊！女跑手諗住條頸鍊嚟跑，唔知會唔會跑得快啲呢？不過，如果miss咗呢次賽事都唔緊要，因為三藩市同華盛頓嘅女子半馬拉松，跑完後都送呢間公司嘅頸鍊架！

而講矜貴，就一定係世界六大馬拉松嘅獎牌。獎牌可貴之處，在於佢哋嘅歷史悠久，參加者眾，想成為跑手都唔容易，更何況完成比賽拎到個獎牌？

倫敦馬拉松

東京馬拉松

柏林馬拉松

波士頓馬拉松

紐約馬拉松

芝加哥馬拉松

不過，有位高人講過佢收過最特別嘅馬拉松完成獎品，並唔係獎牌或者頸鍊，而係哈蜜瓜！日本靜岡縣嘅袋井馬拉松，會喺終點派發當地盛產嘅哈蜜瓜，每個價值二萬日元（約千三港幣）！可惜只可食番一兩片，唔可以成個拎走…不過有靚靚哈蜜瓜，點都好過食生香蕉！

更多：
Fitz跑步文章
台灣 Line Game Run
一個為我甘去每日跑9km的女人