用雙腳跑出人生新一頁 2自小就不喜歡跑步,從來就不是什麼運動健將,而且覺得女人跑步會腳粗,跑到一身臭汗兼且披頭散髮。

記得初中第一次參加學校運動會,老師點名要我參加100米比賽,當時我非常吾開心,心裏不停問:點解要揀我?我喜歡其他運動,我想跳遠、推鉛球呀!

多年前的一個晚上,身邊有個人非常熱愛跑步,每天都要跑,有時甚至早晚都跑,我完全吾明白點解佢咁喜歡跑步!有一晚跟他一起去跑,未夠5分鐘,我已感到吃力、頭痛、氣喘,之後佢再嘗試要我一齊跑,但我會用不同藉口去推辭!

我覺得跑步係一種孤獨嘅運動,但人往往都因為一些人、一些事而有所改變⋯⋯直到去年九月,好想嘗試做一些過往沒有做過嘅事情、運動,我開始去跑步。

享受這種「不適」,拒絕用「藉口」逃避

第一次去跑只係求其著了一對普通行街嘅運動鞋,什麼熱身、伸展運動都沒有做就落街去跑,跑了不夠十分鐘,腳跟開始有痛,是扭傷嗎?但亦未令我即時討厭跑步,我決定過兩天再跑。

隔了幾天,我跟第一次跑一樣,同一對運動鞋,仍然沒有熱身、伸展運動又去跑了!

腳又再痛,但我卻很想跑,終於在週末買了我第一對練習跑鞋。身邊有跑步嘅朋友知道我開始跑步都非常支持我,仲敎我好多新手要留意嘅事情,特別係熱身、伸展運動。

別害怕痛苦,練習將不適變成一個「好習慣」

一對練習跑鞋
一對練習跑鞋

漸漸明白功欲善其事,必先利其器,所以買運動衣物多過買去街衫

我開始關注跑步要注意嘅事情,我亦好似上左毒癮般,每星期由跑一次增加至三次,由第一日只跑10分鐘、之後2k、5k、8k…一向愛睡嘅我,竟然多次於週末零晨五點起床去跑步。

購買有關跑步嘅書籍,想了解更多有關跑步嘅事情
購買有關跑步嘅書籍,想了解更多有關跑步嘅事情

10月2日,幸運地成功報名參加渣馬10k,令我更加清楚我要努力練習,10月4日仍然掛起三號風球的早上,我用了1小時21分鐘跑了我第一個10k,短短一個月就有此成績,在往後每次練習嘅成績都不斷進步,當時非常有信心一定可以在55分鐘內完成渣馬賽事。

練跑一個月後嘅第一個10k
練跑一個月後嘅第一個10k

可惜好景不常,因為轉換新工作,不斷俾壓力自己而導致身體狀況變差而需要暫停跑步,當時非常失落,以為就此不能再跑步。

「跑步是為了找到內心的平靜,生命要過得好也是如此。」

到渣馬前五星期,開始再重新練習,估不到只係停跑幾個星期,竟然令我成績大倒退,再練習時感覺肌肉仍未完全適應,非常沮喪,一路跑眼淚不禁流下來,不停問自己:我係咪應該放棄?跑步吾適合我?是否要放棄渣馬賽事?

重新練習嘅過程一點也不容易,朋友更勸我放棄跑步、放棄渣馬。我吾甘心,我同自己講:我嘗試跑步吾係要同別人鬥,只係對自己嘅一個鍛練、挑戰,就算今年吾可以全程去跑,半行半跑我都要去完成依個賽事。

「無論生活之路上會遇到多少障碍,我會竭盡所能地跑完這一程。」

幸好,身體狀況慢慢好轉,渣馬當日天氣好差,但都未有影響我心情,一個我期待已久嘅日子!由寄存行李到跑畢全程,一直都落住大雨,雖然未能在預期目標下完成,但亦可以用1小時2分30秒完成。一個非常難忘嘅經驗,一場充滿雨水、汗水加淚水才完成嘅賽事,我非常享受依份滿足感及成功嘅喜悅!從汗水裡,我找到變得更好的勇氣。

「跑步與人生都沒有所謂失敗,只要拒絕停下來」

衝線一刻
衝線一刻
雖然全身由頭到腳都濕透,滿足與喜悅已蓋過一切
雖然全身由頭到腳都濕透,滿足與喜悅已蓋過一切

賽事中,每個人都是獨自地跑,但卻有著一樣的目標,大家都朝著一樣的方向前進。

我清楚知道自己無選擇錯誤,我喜歡跑步、亦享受跑步嘅樂趣及過程!跑步已成為我生活嘅一部份,我開始重新整理我嘅跑步時間表!

跑步讓我重新認識自己、學會喜歡自己,進而超越自己。

跑步期間,幸運地認識一班「將軍夜遊」嘅跑友,他們沒有嫌棄我係新手、慢腳,仲邀請我一齊跑步、出席他們的聚會!

我終於領悟跑步並不是孤獨嘅運動,一個人跑係要享受孤獨,可以與自己好好對話;但一班人好開心一齊跑,就可以互相學習、督促、推動、支持及鼓勵;「團跑」嘅力量好正面,每次同佢地跑完我都有進步、突破自己,更清楚知道自己還有什麼要改善。

「如果你想跑得快,你必須一個人跑!
如果你想跑得遠,你必須一群人跑!」

用雙腳跑出人生新一頁 4

多謝「將軍夜遊」及另一跑友谷「長跑長友」一直支持、鼓勵
多謝「將軍夜遊」及另一跑友谷「長跑長友」一直支持、鼓勵

開始參與不同嘅比賽,給予自己繼續努力嘅目標,雖然暫時未有能力去完成一個真正馬拉松(全馬)嘅賽事,但我會循序漸進,多參加比賽吸取經驗、鍛練體能,更要練習長課,因為我將會參加我人生第一個半馬-NIKE+ RUN CLUB WOMEN’S HALF MARATHON TAIPEI 2016!

用雙腳跑出人生新一頁 10

不同活動及賽事亦係另一種練習機會

用雙腳跑出人生新一頁 11

用雙腳跑出人生新一頁 15

用雙腳跑出人生新一頁 6
不同活動及賽事亦係另一種練習機會

報左台北Nike 半馬後,我開始懷疑自己能否順利完賽,會太急進嗎?與其不斷擔心,不如加緊練習長課! 因為跑步係沒有奇蹟,只有累積。

能否完成半馬?! 練習係重要,意志力亦不可決少

踏入三月期間,距離初半馬嘅日子日漸迫近,此時亦撞正公司業務peak season,每天都要工作到8-9點先放工,練習機會更加少,唯有將勤補拙,在週末期間一定要跑長課。吾係一定要跑好時間,但亦吾希望太差,參與得就要盡全力。

每一塲賽事都要 –「用力跑!要堅強!有野心!」

第一次練習衝破20km!
第一次練習衝破20km!

第一次長課後,一對小腿酸痛非常!明明之前都跑過幾次18km,何解多左3km就咁辛苦?!

但我知道我吾可以就此放棄,一定要堅持下去!

「要擊敗的不是其他對手,而是內心想放棄的那個小小聲音。」

其實一人在外地比賽真的有點孤單,所以必需要有堅強嘅意志及勇氣。從來都預計不到自己嘅力量有多大,今次賽事令我知道,我是可以成功,我要對自己有信心!

用雙腳跑出人生新一頁 32用雙腳跑出人生新一頁 12

完賽後既興奮又感動
完賽後既興奮又感動

從無法想像的 3 km、5 km,到逐步完成第一個 10 km,甚至初半馬,在跑步的旅程上,不斷地看到自己的強大,發掘了自己潛藏的能量。也許很辛苦,也許很徬徨,也許很想放棄,也許曾經失望,無論好壞,跑過終點的那一刻,就不一樣了。下個目標就是全馬,人生第一個真正馬拉松賽事。只要鼓起勇氣踏前,便可看見機會;沒有向前走的,便離夢想越來越遠。

「如果妳不跑,妳真的永遠不知道自己有多能跑。」

跑步過程中有好多支持嘅聲音,但亦有人喜歡唱反調,什至被家人問:點解無端端跑步?仲後生咩?以前都吾見你跑!

以前嘅我一定會因為被人批評、反對而改變自己,跑步後,令我明白人生吾係只為別人而活,我只想活得精彩,跑步令我活出人生新一頁。

如果沒有勇氣開始,永遠無法體會運動帶來的喜悅與滿足。為了成就某些時刻,雖然只是一場半馬、亦是一個能讓自己感到驕傲的瞬間,付出了無數個小時訓練,犧牲了聚餐,犧牲了逛街,將其他的事情暫時放在一邊,踏上運動場,專注在自己的身體、呼吸與心跳。每一步、每一個動作,這一切,是為了讓自己變得更好。

跑步令我改變,就如歌詞「因有自信,所以美麗,使我自卑都放低」! 我的笑容是最美麗的,要得到别人的認同,先要肯定自己,讓有限的生命,活出無限精彩!

更多:
Fitz.hk Facebook專頁
寫給港.跑女的跑步禮儀篇
[七週八賽] 之第4擊 – Nike Women’s 10KM
Fitz Running 跑步

分享
Christine。k

一個中女突然愛上跑步,跑齡只有半年,跑步過程遇上不少挫折,幸好意志堅定末有放棄
跑步可以鍛練及挑戰自己,我嘅人生觀、價值觀亦因跑步而改變!