跑足621日，確係唔野少。
香港嘅「人肉繪圖師」係咁意都畫個一百幾十公里嘅圈圈，已經令唔少人追到氣咳。不過英國34歲男子Kevin Carr更厲害，佢嘅圈圈有成26,000KM，足足環繞地球一周，時間係621日，成為跑步橫越地球最快嘅人。
Kevin由2013年7月開始，由英國Haytor出發，東行經歐洲、印度，再南下澳洲紐西蘭，然後越過太平洋至加拿大、美國，到南美然後返回英國。期間要對抗各種嚴苛氣候之餘，也被蛇、蝎子、野狗以及大熊等凶猛動物追趕（當中包括26隻大熊）。他總共踏足26個國家，跑爛16對跑鞋。
Kevin呢次壯舉是為了替抑鬱患者籌款，他希望跑步可令人重拾快樂。
呢個圖相信令香港一班「繪圖師」望塵莫及。
陪伴Kevin嘅，只係得呢部物資車。
我哋喺youtube搵到呢條由印度某電視台介紹Kevin Carr嘅短片，雖然聽唔明佢嗡乜，但都可以睇吓畫面感受一下：
----- 廣告 Ad -----
資料：英國每日電訊報
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」