[練跑筆記] 我的意志薄過M巾…

練跑筆記 — 挑戰三跑
第一次一個星期跑三次，其中一次還是比賽，如果不是比賽前一晚還跑了一轉，應該可以適應和應付得更好。

話說星期二又跟leisure run, 11k來回西灣河至天后，今次跑速較慢，而且路線平坦，基本上不辛苦。不過中間和跑完後做了點core和深蹲，過了兩天還是有點點肌肉痛。

還記得去年上physical theatre的時候第一次做core training和深蹲，簡直是要了我的命。那時大腿肌力差到一個點，蹲了下去不借力根本 (以正確深蹲方法) 站不起來，那個有如痾屎唔出的樣，畀training partner望住我笑到停唔到……現在雖然體能仍然不濟，但起碼plank能最少維持分半，深蹲也能做到基本，算是有點進步。

星期五無無聊走去join了個6K的街跑活動，又加muscle train，結果跑了3K做完muscle training，我和同伴決定回程要用走的。因為我忽然想起第二晚要跑6K比賽，如果再跑返去應該會無力比賽。

結果星期六還是有肌肉痛，幸好只是少少。最後，6K的路程，還是以上次10K比賽的pacing完成，沒練習一排真是跑起上來都覺得有分別，如此賽果，不能怪誰。不過短程真的比較難，因為通常長課的話，我都是過了5-6K才開始撻著副偈，跑6K比賽，其實是唔湯唔水。

一個星期三次，老實說不是很多，只要不是當中有比賽，應該不難堅持和進步吧，但願如此!

練跑筆記 — 第二次10K賽
其實今次一直都沒抱甚麼期望，因為自知練習不足，平時跑的pacing都比之前差。今次又跑啟德，不過賽道同之前有少少分別。一開始是先沿著郵輪碼頭旁邊 跑，再u-turn返轉頭先出馬路。但碼頭旁那條路真是危機重重，每隔幾百米地上就有條長長的坑橫跨路面，雖然有工作人員不斷開大聲公提醒大家留心地面， 但起步人多擠迫，又無可能下下望住個地下，真是好難搞。結果我未出1K就已經因地下啲坑再加上俾人腳戟腳而五體投地 (連膊頭都損埋你話係唔係堅五體投地喇 )。好彩只是少少皮外傷，又有個好心女仔 (女子比賽不是女仔還可以是誰 =_=)快手扶起我，才不致骨牌效應。

一如以往，頭幾K 是最難捱的，一來未跑順條氣，二來塞人又慢又焗，再加上已經開始天口熱，都未跑起個人都已經一身汗又缺氧。過了5K有點漸入佳境的感覺，到6K幾望望隻 錶，頂！竟然比上次慢了差不多一半，簡直是慢到羞恥。本著幾大都不能行的訓晦，我開始不再看時間，用心舒舒服服的繼續跑。原來無壓力之下跑得更 順， pacing也似乎有提升。再過一陣望錶，嘩，原來之前睇錯錶，原來仲有望衝PB架喂 !(真係唔多明點解可以睇到40幾分以為已經 70 幾 +_+)

這次比賽其中一個最大的問題是沿途竟然沒有里數牌(還是我看不到?)，如果沒有 GPS錶 或 running APP，或如我個 APP死死哋，根本不知自己跑了幾多而無法配速。最谷鬼氣的是，跑到返碼頭時，路旁的人說「仲有800咋 !」，仍然有力的我當然力衝，望望隻錶，嘩今次仲唔 PB!奮力衝的同時聽到路旁打氣的人說 ﹕「嘩，跑到尾都仲有力咁快」，不禁沾沾。再前多少少，又有人話仲有 400，但心想 點解衝極都未到 ?漸生懷疑之時，竟然見到隔離線有人對頭跑，即是說還有一大段路兼要 U-turn!原來仲有成K呀大佬 ! 之前以為還有 800死 力衝的我， PB之夢忽然破裂之時，力和意志也同時被谷氣谷爆了。失望至極的我不禁慢了下來，走了幾米，心想，反正也 PB不了，咁辛苦為乜。內心交戰一 輪，心想沒理由最後咁多人打氣，要眾目睽睽之下樣衰衰行路卦，於是又再起跑，輸也不要輸太多。結果過終點，個人時間和上次 10K差不多，慢了半分鐘。

跑得比上次差的藉口可以有很多，練習不足啦，負傷完跑啦，天口熱啦，被 fake以致提早 chur爆啦 ……計我話，最大的原因是意 ‧志 ‧薄 ‧弱。 這一點，由中學 fitness test的時候我已很清楚這才是我的真正死穴，連好友聽完我今次臨尾都行的經歷之後都說，我的意志薄過M巾……真要好好想下怎樣鍛練意志。

更多:
[練跑筆記] 第一次pb過後
Boni其他文章
Fitz Running 跑步

---