何亨 (左) 同發仔 二人「繞轉香港」

鍾意一個人你會攬住佢,鍾意一個地方你會繞轉佢。

2020年6月,D100《風中三子》主持人何亨,連同拍檔發仔,用腳「繞轉香港」,超越200公里。

何亨: 互揪惡鬥才有成果

呢幾年喺香港嘅比賽,間中都可以見到何亨 攝: Nelson [email protected]
問起今次挑戰,何亨作咗首詩,大家領略下啦:
「年青老年化 老年年青化  年歲不能穿越 互揪惡鬥才有成果
兩代人 為咗一個目標   我們要燃燒  挑戰二百幾公里  繞轉香港 睇下佢哋點死」

發仔: 肥唔係無辜

發仔

發仔由自身講到香港:

「對我嚟講,肥唔係無辜㗎! 但如果香港人,可以為某一件事堅持到而家,點解你唔可以? 繞轉香港,喺專登挑戰自己! 因為我相信……任何人只要堅持,獅子山精神一定會長存! 香港人,加油!」

「繞轉香港」Part 1

  • 路線: 環繞香港島
  • 距離: 約70公里
  • 主角: 何亨、發仔

路線

以「港島環島徑」為藍本,大致路線如下 (路線可因實際情況有變)

金鐘添馬 > 上環中山公園 > 域多利道 > 數馬港 > 香港仔海旁 > 海洋公園 > 深水灣及淺水灣 > 赤柱 > 石澳 > 大浪灣 > 柴灣 > 西灣河 >  灣仔海旁 > 金鐘

四月開始準備

何亨同發仔為咗呢次「繞轉香港」,早個幾兩個已經開始準備,佢兩個亦喺節目中分享訓練嘅心得、感受,同埋教大家 keep fit 嘅小知識。

疫情下瘋子團員大挑戰! 當發仔遇上阿亨之環島遊!

因上星期天雨關係發仔唔達標,被阿亨恥笑! 咁今個星期有咩新搞作呢?

連放四日假除咗支持黃圈,緊係繼續做運動啦! 阿亨今次拎碌疑似警棍出嚟玩?

瘋子亨發已定跑期, 但係臨跑前我地決定参加由FITZ舉辨嘅「全脂燃 Virtual Sport」當熱身! 而今集滾輪挑戰,發仔終於扳回一仗?

做運動看似簡單,但其實可以學到好多嘢! 今集阿亨分享環保知識:)

大家留意 D100 同 Fitz,會第一時間報道何亨同發仔嘅「繞轉香港」最新消息。

瘋中三子 Facebook專頁

廣告
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。