----- 廣告 Ad -----
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_01.jpg?resize=696%2C462&ssl=1)
圖: 2017年Ultra Trail World Tour冠軍 François D’haene (右一)
25/1 香港舉行了2017 Ultra Trail World Tour 頒獎禮,男子冠軍就係在今年以19個幾鐘打破 UTMB 紀錄的 François D’haene。今次有幸 François 作旋風式訪港,星期三到港,星期四晚攞完獎就即刻飛番法國。而星期四朝早 François 就在 Salomon HK 安排下同一眾跑手晨操下,散下步 (無誇張…..我地既 pace對佢來講真係散步)。
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_02.jpg?resize=696%2C695&ssl=1)
2017年 Ultra Trail World Tour 男女子冠軍 Andrea Huser and François D’haene 圖: HK100 facebook
首先,好多謝 Salomon HK 俾個機會 François 陪我跑,我無講錯。係世界冠軍 François 陪我跑! 學Jacky Leung 話齋: Kilian Jornet、Jim Walmsley 跟到佢,個D先叫「陪佢跑」,而家佢就著我地跑呢D叫「佢陪我地跑」! 有道理,你啱!
----- 廣告 Ad -----
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_03.jpg?resize=696%2C523&ssl=1)
[與神同行] 火車Sir講架。你睇有世界冠軍陪跑…….大家幾開心!! 圖: 火車Sir
當日路線係 大浪灣 > 龍脊 > 土地灣 > 大潭 > 孖崗山 > 赤柱 約21.5km。路線其實難度不高,而且風景好靚。正常自己走就當然無問題,但當日係同散步 mode 既 François走……..就一D都唔輕鬆。個日真係攰死寶寶,上斜又隊 (對François來講個D可能叫行,但我就係隊),落斜又飛。平路仲過份……走大潭水塘跑3:55 pace 叫慢 jog……點跟????
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_09.jpg?resize=696%2C489&ssl=1)
圖: (設計對白)François: 你班友滴晒汗,洗唔洗再慢D? 留意Jacky個樣 ~ 有疲態
最後,全程21km,細佬跟左14km左右就收工,一來又留力HK100,二來再跟真係唔多掂。
但跟到呢十幾km,已經好滿足。除左可以見識乜野叫神態自若,當我地出盡力死衝既時候,François 既步履係十分輕巧,難以相像一個6尺幾高既人可以咁輕盈。
----- 廣告 Ad -----
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_04.jpg?resize=696%2C463&ssl=1)
輕鬆到一個點……
另外,就係親眼睇下 Salomon 為佢 Tailor-made 既裝備。當日除左見到為 François 特製既 S-lab Sense Set 之外。仲有就係仲在測試階段會係2020年推出的 S-lab 鞋款既 ProtoType……(連S-lab Ultra 我都未試…..就話出2020年新款,點追呀大佬)
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_05.jpg?resize=696%2C441&ssl=1)
為 François 特製既 S-lab Sense Set
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_06.jpg?resize=696%2C390&ssl=1)
仲係測試階段,會係2020年推出的 S-lab 鞋款既 ProtoType
最後最後仲有…………合照同簽名啦!!! 哈~~不要去羨慕不要去妒忌……
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_08.jpg?resize=696%2C933&ssl=1)
For Ryan, François D’haene
活動當日相片(from Salomon Hong Kong):
----- 廣告 Ad -----
![](https://i0.wp.com/fitz.hk/wp-content/uploads/2018/01/與神同行-世界冠軍陪我跑-François-Dhaene_13.jpg?resize=760%2C502&ssl=1)
當日仲有國內高高手鄧國敏…佢渣打全馬跑2:36, 佢話係當HK100 熱身wot ……無言!
Fitz Facebook專頁
燒鴨價錢 燒鵝味道 Salomon Sense Ride
[大脾罅救星] 從未如此舒適的短褲仔
[越野跑鞋的GTR] Salomon S-Lab Sense Ultra
[潮流興玩帽] 識襯一定係襯「佢」 (Bike Cap)
[有毒慎入] 識玩,一定要帶女友去玩呢個 (前篇)
[怯~你就輸了!] 一對踏上大賽頒獎台的地球人
壞人 Ryan@Fitz
Fitz Running 跑步