苗圃十全馬慈善越野跑2021

二十個星期跑十個全馬，兼係山跑加路跑，有沒有搞錯? 真係有嘅，而且由去年嘅私房籌款活動試辦過，今年就正式公開搞。有咩特色?

跑遍新界，港島及大嶼山，會跑經好多冷門地方，例如: 文錦渡，蓮麻坑，大水管，落馬州，廈村。亦有好多熱門路，例如: 大埔海濱，港島徑，城門，鳳凰徑。

帶你認識維多利亞城，港島路線就要求你係五塊維多利亞城界石自拍。

近日跑圈有人興起跑洋紫花的港島五瓣，而呢個十全馬就可用六隻馬，幫你新界劃一圈。

----- 廣告 Ad -----

香港人十分重視交通方便，參加活動都一樣，呢個活動就充份照顧到，因爲每隻馬的起點及終點多數係港鐵站。

如果你覺得每年初三嘅四徑，要自助補給，能夠生還係好犀利，咁十全馬就比個機會你，小試自己啲功力，不過放心，路線設計考慮呢點，大部份路線會經過加油站，便利店及鄉村士多。

由於有限聚令關係，呢個活動係以線上跑方式進行，跟大會提供嘅 GPX 自導航，到指定打卡位自拍照，對於路癡，就要留意大會的面書，因爲到時應該有約跑嘅。

----- 廣告 Ad -----

能力唔夠跑十隻馬，但又想玩，可以點呢？考慮呢點，今年正式搞就更提供五隻馬，半程，一馬甚至十公里的選項。

年過五十，方才愛上路跑及越野賽，希望在能跑的歲月盡力跑，目標是每年完成4個全馬及4個百公里越野賽。感恩擁有的一切，及可按興趣行事，願以義務工作回饋。