唔少跑友對運動手錶嘅 GPS 準繩度相當有意見,特別喺正式比賽之後,手錶測出嘅距離同比賽距離有好有差距。Podium Runner 搵咗位研究火山嘅專家,解釋手錶嘅GPS係點運作,以及教大家準確測量方法。

係誤差唔係故障

美國地質局嘅地球物理學家 Kenneth Hudnut,係測量地球嘅專門人員,佢哋嘅工作需要準確測量火山地質嘅移動情況,當中要使用 GPS 技術。不過,地球板塊每年移動只有幾厘米,同跑步用嘅 GPS 要求有啲唔同。

「因為我哋要測量幾厘米移動,所以誤差唔可以太大。而呢啲儀器亦極為大部,每部要成5,000至8,000美金。」

Kenneth 解釋,手錶嘅 GPS 接收器其實有好多局限,包括裝置嘅體積要越細越好,亦唔可以太重。此外,用電亦唔可以太多。

呢兩方面絕對影響 GPS 接收器嘅效能,另一個出現誤差嘅原因,就同手錶測量距離嘅方法有關:

  1. 由大家開著手錶跑步嘅一刻開始,手錶上嘅 GPS 接收器不斷量度跑手現在位置,再計算實際距離
  2. GPS 訊號喺物體移動時,可能受到干擾 (如受大廈阻隔),手機就以之前嘅數據去計算
  3. 測量好距離之後,要計算你用咗嘅時間,成為你嘅步速 pacing

所以,用手錶測出嘅距離同 pacing,比起測量火山嘅 GPS 儀器,有誤差絕對正常。而根據 Podium Runner 嘅非正式調查,誤差率大致為1%,即係10公里跑1個鐘,就可能會快/慢1分鐘。

火山專家解決方法

火山專家話手錶嘅 GPS 誤差難以解決,如果大家練習時要追求一個好準確嘅距離,咁就要求助於其他技術:

  1. 搵個好明顯嘅地標做起點同終點
  2. gmap-pedometer.com 網站,自行繪製路線 (火山專家話呢個網站為 Google 提供數據,測確度極高)
  3. 測好距離後,再跟住路線跑
gmap-pedometer.com 網站

對一般人來說,就算有少少誤差,絕對可以接受,大家亦唔使咁緊張。

資料: Podium Runner


文章為作者意見,不代表Fitz立場。

歡迎投稿: http://fitz.hk/contribute/

永誠
講求綠色、環保、天然的健康生活。推廣新一代健康生活文化。