老婆去跑步，老公應唔應該關注? (示意圖)
一宗台灣法庭新聞: 彰化縣何姓已婚婦人，於一場路跑賽事認識黃姓男子，兩人都鍾意跑步，興趣相投。久而久之，日久生情，以Line傳情，更經常約埋街跑，跑完步之後兩人更有親密嘅「餘慶活動」。
2020年10月6日，黃何二人又相約跑步，跑完步去咗間汽車旅館 (可能去沖涼換衫)。好衰唔衰，佢兩個無鬼端端喺旅館影咗輯親密打卡相，仲用Line互傳。點知被何姓人妻老公睇到呢輯相，於是向老婆逼供。結果何姓人妻向老公承認背夫偷食，共發生20次性關係。
老公向法院控告黃姓男子，以精神受損為理由追討賠償。法庭判老公勝訴，獲償30萬台幣 (約港幣$8.4萬)。至於兩公婆有無離婚收場? 報道無講。
----- 廣告 Ad -----
台灣的汽車旅館 (示意圖)
呢個故事教訓我哋……
正所謂「咩人睇到咩就諗到係啲咩」，有人可能覺得呢單新聞係「勸世文」，叫人要重視婚姻承諾；又人有會覺得係「交友 (婚外) 技術手冊」，用反面教材去提醒大家要留意啲乜 (例如唔好去酒店打卡，唔好玩Line)；亦有可能有人會覺得「勵志文」，叫大家努力跑步。
題外話，要跑步有進步，cross-training 必不可少，不過要揀啱運動，先可免受身心傷害。
新聞報道: 自由時報
蝦里
去去，武器走！