----- 廣告 Ad -----
![起跑情況](https://i0.wp.com/fitz.hk/wp-content/uploads/2016/05/跑進寶島-雙溪櫻花馬拉松-1.jpg?resize=760%2C480&ssl=1)
起跑情況
“櫻花馬拉松” 呢個名,通常聯想到韓國慶洲櫻花馬拉松,其實跑“櫻花馬拉松”唔一定要去韓國,近近地去台灣都可以跑到。
北馬雙溪櫻花馬拉松係2009年舉辦第一屆,去到今年(2016年)已經舉辦到第8屆,呢場賽事同其他係台灣鄉郊地區舉行嘅路跑賽一樣,沿途都跑經不少上落斜,呢場 “馬拉松”亦叫 “雙膝硬化馬”。
2016年3月6號,天未光我就要係宜蘭羅東車站搭乘台鐵到會場(雙溪高中),去到會場都只係7點鬆D,咁早去到做乜,其實係要拎號碼布,因為呢場比賽海外跑手係可以”特事特辦”,係賽事當日到指定嘅booth拎號碼布,當我拎完號碼布,寄埋行李就施施然去做熱身。
----- 廣告 Ad -----
朝早8點半,賽事終於開跑,開跑果陣同以往係香港跑唔同,爭位情況冇咁激烈,加上途程長兼上落坡,我係頭果2-3km就好輕鬆咁帶埋頭,之後先慢慢有其他跑手追過,由於不停嘅上落斜,跑過三分二路程後得知我與爭奪獎金名次無緣,故此以時跑時行嘅步伐落山,間唔中同其他跑手、志工擊掌,吹水,結果全馬PW ,3小時54分19秒完賽,奪得年齡組別第四名。
![情景相,背後有真。櫻花](https://i0.wp.com/fitz.hk/wp-content/uploads/2016/05/跑進寶島-雙溪櫻花馬拉松-2.jpg?resize=467%2C700&ssl=1)
情景相,背後有真。櫻花
![再次揚威海外,雖則只係一個”豬肉獎”](https://i0.wp.com/fitz.hk/wp-content/uploads/2016/05/跑進寶島-雙溪櫻花馬拉松-3.jpg?resize=610%2C813&ssl=1)
再次揚威海外,雖則只係一個”豬肉獎”
完賽後,一如台灣路跑賽嘅特色,就係食便當,今次呢個便當係福隆便當,賣相精美,有菜有肉,當然味道就未必有知名嘅台鐵便當咁好,與此同時亦好似澳門馬拉松咁有條大毛巾摟住。
![福隆便當](https://i0.wp.com/fitz.hk/wp-content/uploads/2016/05/跑進寶島-雙溪櫻花馬拉松-4.jpg?resize=760%2C428&ssl=1)
福隆便當
----- 廣告 Ad -----
總括黎講,呢場馬拉松好抵玩,熱情嘅志工,優美嘅環境,加上精美嘅紀念品(如大毛病、完賽牌”行李袋)等,其實值得來年再黎,不過要留意就係雙溪雖則係位於新北市,但位置較偏遠,最好預留充裕嘅時間,因為搭台鐵由宜蘭羅東去雙溪都要差唔多成個鐘頭車程,再唔係就住雙溪入面D民宿/係會場入面紮營。
![紀念品+獎座大合照](https://i0.wp.com/fitz.hk/wp-content/uploads/2016/05/跑進寶島-雙溪櫻花馬拉松-5.jpg?resize=760%2C428&ssl=1)
紀念品+獎座大合照
![完賽牌](https://i0.wp.com/fitz.hk/wp-content/uploads/2016/05/跑進寶島-雙溪櫻花馬拉松-6.jpg?resize=760%2C428&ssl=1)
完賽牌
更多:
Fitz.hk Facebook專頁
42.195公里是甚麼世界?
[撒哈拉超馬] 第三日: 無盡的沙漠
Fitz Running 跑步