圖: Eliud Kipchoge

長跑比賽全球停擺,唔少人都牙痛咁聲,唔係爭拗報名費退還問題,就係話訓練多時付諸一炬,努力白白被浪費。地表最強嘅馬拉松選手 Eliud Kipchoge,會唔會因為多項比賽取消,連奧運都要延遲,覺得好失落? 覺得好唔抵?

早前路透社訪問遠在肯雅嘅 Eliud Kipchoge,Kipchoge 憶述佢聽到奧運延期消息時嘅反應係:

「最初嘅都好震驚,但諗下諗下又覺得唔係壞事丫。」

Kipchoge 認為,而家奧運推遲一年,令佢有更多時間準備,以更佳狀態應付比賽。

Eliud Kipchoge 破2 一刻

對抗疫情比訓練更重要

2019年10月,Kipchoge 以1:59時間完成42.195公里,成為歷來第一人在兩小時完成全馬距離,之後他沒有參加正式比賽。原本 Kipchoge 與埃塞俄比亞 Bekele,呢兩位跑入2:02嘅跑手,會於4月嘅倫敦馬拉松決一死戰,但隨著武肺疫情令賽事延期至10月,Kipchoge 亦錯失證明自己實力機會。

不過,呢位世界最快嘅馬拉松跑手,並無覺得失落,佢始終相信比賽唔係生活唯一嘅事,因為佢仲有家人。Kipchoge 在疫情期間,喺肯雅屋企陪佢嘅太太以及三名子女,得閒睇下書,去農場幫忙,以及處理家務。

「病毒給我們很大打擊,現時我完全專注於整個家庭的安全。」

Kipchoge 相信,只要大家團結一致,絕對可以打敗病毒。

現時他計劃於五月開始回復正規訓練,以應付下半年的比賽以及明年的奧運。

圖: Eliud Kipchoge

訪問原文: 路透社

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。