Fitz > 運動 Sports > 跑步 Running > 一人兩狗連續72日跑馬拉松破紀錄 | 網民質疑: 究竟係咪虐畜?

40歲倫敦人 Aaron Robinson 兩個幾月前開始,每朝3點起身,帶住兩隻邊境牧羊犬 Inca 同 River 一齊出門跑步。佢哋一人兩狗每日跑足42.195公里,至今已經連續跑咗72日。

Aaron 係為咗幫一個打擊人口販賣嘅機構籌款,而進行呢項挑戰,雖然過程相當辛苦,每日要咁早起身之後仲要返工,每日處於缺乏睡眠狀態,不過佢都希望可以籌多啲錢,所以暫時未有計劃暫停晨跑。

不過,Aaron 破咗紀錄之後,不斷收到網民投訴。唔少人替佢兩隻狗辛苦,甚至覺得 Aaron 有虐畜之嫌。Aaron 解釋,佢兩隻邊境牧羊犬擅長長距離追捕,所以 Inca 同 River 喺充足休息及補充後,非但無體力透支,仲跑得好開心。

資料: Runner’s World