5月加拿大 Calgary Marathon 半馬組別，有位受人注目嘅領跑員，佢叫做 Gerry Miller。
Gerry 今年85歲，被編入2:40組別，賽事當日佢無驚無險，帶領一班選手於2:30左右衝過終點，被公認係史上最年長領跑員。
Gerry 爺爺58歲開始跑步，一生參加過大約40場馬拉松，長跑生涯東征西討戰績彪炳，包括完成六大滿貫賽事，仲獲得 Abbott WMM M80 第一名。喺 Gerry 長跑生涯裏面，除咗取得大量獎牌，仲領略到唔少人生道理。
Gerry 出戰紐約馬拉松時，中途跌倒流血，但仍然繼續作戰，一邊跑一邊同自己傾計，諗到:「其實只要慢慢跑，一定可以衝過終點。」就係咁，佢堅信世上無難事，只要唔放棄就得。
Gerry 爺爺仍未諗住高掛跑鞋，因為佢話跑步可以帶嚟無窮樂趣:「每一次跑步都可能係我最後一次，所以我會好好珍惜。」
資料: CBC
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
