大陸湖北利川市高速公路，日前展開打擊醉駕行動，警察喺公路設置路障，期間截查一名吳姓嘅男子。檢查初步顯示，男子體內酒精含量嚴重超標，警察即時採取拘捕行動。
就喺呢個時候，吳姓男子突然落車拔足狂跑，突破警察防線20米。不過與此同時，一名警察突圍而出，成功欄住醉酒男，並將其拘捕。
事後呢名醉駕男子向記者透露，佢自細係運動健將，而且係體育學校畢業，以為自己有高人一等嘅運動神經，所以當被發現酒精超標，就諗住可以跑贏警察著草走人。不過，佢無諗過一山還有一山高，捉佢嘅警察係長跑健將，仲成日參加大型長跑比賽。
最後，醉駕男被即時停牌，並且追究刑事責任，睇怕佢有排煩了。
資料: 新浪網
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
