川內優輝第100次全馬Sub-220 刷新健力士世界紀錄

曾被譽為「最強市民跑者」嘅日本跑手川內優輝，2019年4月1日辭去公務員職務後，正式轉為職業跑手後，成績大躍進。川內喺12月20日「防府讀賣馬拉松」，以2小時10分26秒獲得亞軍，並且第100次跑入2小時20分 (Sub-220)，而家申請緊健力士世界紀錄，如無意外好快就可作實。

川內呢個「2小時20分內完成馬拉松次數最多」嘅健力士紀錄，由佢本人喺2008年確立，並連續78次打破。川內一生人總共跑過107場全馬比賽，只有7次不能跑入2:20。

值得一提嘅係，今次川內優輝跑出嘅2小時10分26秒，係佢2020年最佳時間，睇嚟疫情都無影響到訓練同表現。

資料: NHK