大陸最近流傳一條短片，喺一場100米短跑賽入面，當跑道裏面選手跑到氣咳時，賽道外嘅孭住成身裝備攝影師竟然跑得維持更高速衝過終點，技驚四座。
呢場比賽係山西大同市一間高中嘅運動會，攝影師叫郝曉陽，係大學四年班學生，佢只係返母校幫手拍下片，並無落場比賽。
郝曉陽係大同大學體育學院讀四年班，本身係運動健將，喜愛運動攝影。呢次佢身上孭住8公斤攝影器材，跑上嚟其實一啲都唔輕鬆。不過佢仍然話:「其實都要減速等佢哋囉。」
佢話運動攝影工作，令佢可以用另一個角度欣賞比賽，所以雖然辛苦，但仍然樂在其中。
我哋比賽時有咁多靚相，確實要多謝呢班不辭勞苦嘅攝影師。
資料: 搜狐
