圖: 樂華長跑會會官網
1月6日星期日和幾位跑友一齊參加「樂華半馬拉松100分精英排名賽」。比賽的賣點，是邀請到日本最出名的市民跑手川內優輝落場獻技。
川內是應屆 (2018) 波士頓馬拉松冠軍。「波馬」比賽當日天氣反常，造就了特別刻苦耐勞的川內優輝爆大冷勝出。他是2:20內完成馬拉松次數最多的世界紀錄保持者 (到目前為止已達驚人的81次）。身為業餘跑手的他，正職是公務員，訓練的方法與十分「錫身」的專業跑手不同，他參加很多比賽，以戰養戰。
今次樂華舉辦這個半馬比賽，特別之處是它的入場門檻比較高，賽事時限只有100分鐘，若未能在此時間內完成就會被DQ!
100分鐘內完成半馬是怎樣的一個概念? 以上年11月舉行嘅大賽 UNICEF 半馬為例，在完成賽事的2087位男跑手當中，只有176人在100分鐘內完成 (8.4%)。女子組更困難，617位完成賽事的女跑手當中，只有11位在100分鐘內完成半馬 (1.8%)。
小弟見自己半馬的完成時間掹車邊都應該可以完賽，近距離一睹川內優輝的風采的機會怎可放過! 把心一橫便決定去馬。
比賽在船灣淡水湖舉行，在大尾篤水壩為起點，跑完長約2公里的大壩後，轉入船灣淡水湖郊遊徑跑至碼頭位置掉頭，單程長約3.5公里，共來回三次共21.1公里。大壩是全平路，進入船灣淡水湖郊遊徑則有上有落，有一定挑戰性。由於比賽入門門檻訂得比較高，參加人數唔算好多，只有300人左右。報得這個比賽的跑手都會有相當實力，估計自己好大機會都係包尾而回的一批。
比賽在早上9:05鳴槍，川內和幾位非洲跑手一起步便彈出。我等慢腳則好整以暇按自己的步速出發。可能由於太多高手了，速度不自覺被帶快了，頭幾公里用咗接近10公里比賽速度去跑，結果令我稍後付出慘痛代價。今次半馬是我有史以來跑得最唔滿意的一次，咁多高手的場合其實應該係會令自己更有鬥志先啱，點知去到下半程幾乎想放棄，越跑越慢。跑左幾公里之後，已經開始覺得捱得好辛苦。最後幾公里更鬥志全失，到19公里的上斜更做了步兵，內心只是在盤算是否還可以100分鐘內完成，毫無大志。以往對自己的上落斜有一定信心，但今日卻跑得很差，每次上斜都變成苦差。
當然，由於比賽是在3.5公里的固定賽道來回奔跑，最大的鼓勵，就是幾次見到迎面跑來的川內。我同自己講，一定唔可以俾佢爬自己頭，最後都總算做到了! 衝缐時間是1:36:23，總名次180/276。
圖: 樂華長跑會會官網
講返比賽安排，主辦單位樂華長跑會搞得十分好! 雖然係三無 (無紀念 tee、無完成牌、 無紀念品)，但各項安排都很貼心，例如號碼布是印上每位跑手的名字而無印號碼，令自己覺得好似變咗大賽的特邀跑手。其他賽事的基本安排，例如行李寄存、計時、水站補給等都達到應有水準。特別一提的是，完賽後可馬上領取即埸列印的完賽證書，並體貼地附上膠套，以便收藏，紀念性比只穿一兩次便放埋一邊嘅山寨廠纪念 tee 高得多了，若能取得川內的招牌「現狀打破」簽名，就更是無價了!
圖：樂華長跑會會官網
川內優輝十分平易近人，完成了半馬後，毫無怨言地繼續出席「拍照超级馬拉松」，與幾百名跑友及專程來觀戰的市民粉絲逐一拍照、簽名留念。全程笑容滿面，毫無疲態，態度親切真誠，令人為之傾倒! 今次比賽，他雖然只取得亞軍 (1:06:07)，輸了給肯亞跑手 Ngare Joseph Mwangi (1:05:56) 十一秒，但他十分有風度，賽後向冠軍跑手衷心道賀。
多謝樂華會搞左一個咁好嘅賽事，讓香港跑手可以近距離欣賞世界級選手的風采，同場切磋，希望下年都會繼續搞! 亦好多謝沿途多位攝影師不辭勞苦地為我們拍攝靚相。
Fitz連結: https://fitz.hk/?p=111398
Fitz Facebook專頁
[廣州馬拉松2018] 120元好超值 全方位完跑報告
[針山十登2018] 「痛痛快快」超額完賽
Fitz 跑步 Running
