Fitz > 運動 Sports > 跑步 Running > [武漢肺炎] 中國長跑賽事全停頓 料逼爆下半年
疫症威脅下,大型長跑比賽已相繼取消或延期

疫情之下,長跑比賽取消延期,已經唔再係新聞。雖然香港偶有賽事「逆境舉行」,不過香港北方嘅中國大陸,中國田協發佈發通告禁止於4月30日前舉行體育比賽,因疫情宣布取消嘅比賽接近20場,而宣布延期的賽事則超過100場。

比賽停辦,當中影響最大可以話係籌辦運動比賽為生嘅企業。中國官方喉舌「新華網」毫不掩飾現實情況,訪問國內多個城市嘅賽事主辦機構,講講佢哋嘅苦況。

  • 廣州中體: 上半年嘅賽事幾乎全部取消或延期,包括清遠馬拉松、梧州警察馬拉松、林芝半程馬拉松,以及樂昌半程馬拉松
  • 萬達體育: 廣州、上海舉辦兩場搖滾馬拉松賽時暫停,成都雙遺馬拉松延期舉辦
  • 西安曲江: 上半年6場大小賽事延期或取消,損失達公司營運收入40%
  • 江蘇省體育: 呢幾個月嘅損失達到公司全年收入嘅一半
  • 武漢極智峰: 員工全部唔使返工! 一月出咗糧之後,二月份嘅人工未必有得出!
有公司趁大家唔出得街嘅情況下,搞咗場「客聽馬拉松」

逼爆下半年

國內業內人士相信,只要疫情穩定,延期舉辦嘅賽事將會盡快推出。佢哋相信,下半年將有密集式嘅賽事接受報名,不過面對嘅難題亦唔易解決:

1. 爭奪參加者

有關士估計下半年全國一個周末將會有數以十場,甚至過百場賽事舉行,到時各項比賽都會出現爭人報名嘅情況,對賽事營運者將係一項大挑戰。

2. 爭奪贊助商

賽事多咗,贊助商更加會識得挑選更大型、更受歡迎嘅比賽,營運商點樣突出重圍,就係考實力嘅時間。

3. 爭奪場地

唔少國內城市,每年都有超過一場嘅大型比賽 (例如成都、上海、廣州等),各個比賽點樣喺下半年短時間之內,協調出一個皆大歡喜嘅安排,相信並唔容易。

成都每年舉行兩至三場馬拉松比賽

資料: 新華網