Fitz > 運動 Sports > 跑步 Running > [渣馬2017] 懶人半馬Sub-2大滿足!

 

小女子算不上是跑步狂熱份子,一個月最多跑大約20-25K。7年沒有跑過半馬了,對上一次連跑帶行用了大約2小時45分。今年跟隨CAU跑會的師兄師姐再次參加渣馬半馬賽事,做出1小時58分的成績,感到大滿足呢!

比賽當日早上7點到逹尖沙咀,雖然天氣有一點清涼,但沒有想像中那麼冷,於是就決定輕裝上陣,背心短褲GO!(不過其實我身上是貼了4個暖包的!哈哈!這個方法真的不錯的呀!大家可以試試!)

早上8點:3… 2… 1… Bu~~~~~~~~ 起步喇!

半馬1組競爭不及挑戰組大,起步的秩序相當良好!第一次跑改道後長長的彌敦道,因為待跑手開始跑鬆少少先轉彎,唔駛好似以前咁早迫住轉,所以感覺唔錯呢!

其實今年的準備唔算十分充足,比賽前更因病暫停練習一個月,最長的練習都只係跑過12K,所以一直都好擔心自己能否“跑”畢全程。加上近年主力跑10K賽事,擔心自己於西隧前後會忽然唔夠力,幸好可能因為之前有少少山賽經驗,加上西隧內氣氛熱鬧,不停都有人在打氣,所以傳說中的“大佬”都無想像中咁難打。

不過因西隧後段明顯比較斜,加上人多路窄,無辦法之下都跑慢咗少少,之後一路有點懶,保持咗個慢pace。到了灣仔,大概17K的時候,想跑返快少少,但就忽然開始作抽筋!結果都無得快,但求繼續保持唔抽筋完賽就算,好開心仲可以保住Sub-2呀!呀!呀!

完賽後去取行李,係過天橋去中央圖書館時抽筋!之後先發現原來可以唔上天橋過馬路或搭lift上天橋!笨!

一年多前加入了跑會,經教練3個多月的訓練及指導,去年渣馬10K賽事做出Sub-50 PB成績。教練認為我今次半馬Sub-2其實唔難,但我自己就係欠少少信心。經過今次的經驗,以後跑半馬就更有信心喇!在此要特別多謝CAU跑會教練、師兄師姐同網上分享好多跑步心得的跑友們!

最後想總結一句:其實我唔攰,但係想抽筋!無奈~~~

Cores Athletic Union (CAU跑會) Facebook專頁



更多:
Fitz.hk Facebook專頁
跑步總有退下來的一天
[渣馬2017大數據] 一張圖睇下自己成績屬百分之幾
[渣馬2017] 我和我的初馬
[用鏡頭參與2017渣打馬拉松] 在銅鑼灣糖街拍攝跑手英姿
Fitz Running 跑步


文章為作者意見,不代表Fitz立場。