Fitz > 運動 Sports > 跑步 Running > 為爭第四逼後上對手撞鐵欄,美國感恩節長跑衝線前爆罕見「意外」

感恩節喺美國紐約舉行嘅 Troy Turkey Trot 10公里賽事,終點發生「意外」。原本第4名選手 Xavier Salvador,為阻擋後上的 Jack Huber,喺終點前緊向右方,令 Jack 避無可避之下衝向圍欄。衝線短片賽後被瘋傳,令比賽大會不得不回應。

傳媒翻查大會資料,發現比賽只有頭三甲才有獎金,所以排除「為錢出橫手」之可能。結果,大會以「行為不檢」為由,取消 Xavier Salvador 比賽資格,裁判更表示:「我擔任比賽裁判咁多年,都未見過咁嘅行為。」

受害人 Jack Huber 亦話,以佢當時佢衝刺,絕對有能力越過 Xavier 取得第四,不過就撞咗埋鐵欄擦傷手腳。最後 Jack 正式成為賽事第四名,時間為31:47。

至於被 DQ 嘅 Xavier 傷勢更重,佢手腳擦傷之外,右手手腕亦扭傷傷。賽後 Xavier 亦表示認同判決,亦對 Jack 嘅傷勢感到抱歉。

資料: ABC