英國疫情近月開始穩定，確診數字大幅回落，由年初高峰每日超過50,000宗，跌至近來每日只有2,000宗，所以英國政府已著力研究舉辦大型群眾活動嘅可能。
英國政府宣佈，會透過舉辦倫敦馬拉松嘅營辦機構 London Marathon Events (LME)，於4月24至25日舉行 “Reunion 10K” 共3場10公里賽事，以收集有關數據，用以制訂疫情後嘅大型活動措施。
呢3場10公里賽事，將於北倫敦嘅 Hatfield Park 舉行，每場會分別安排3000名參加者及觀眾3000人，所有參與者進場前都會先做檢測，以確保不具帶菌者。而3場比賽嘅安排都有所不同，以令所得數據更加全面。
負責嘅英國公共衛生局，會聯同當地市議會及多個組織，收集於大型活動時群眾流動嘅情況。而今次測試，亦會成為5月英格蘭足總杯決賽，會否容許觀眾入場嘅理據。
資料: Inside the Games
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
