好快就到新一年，唔少人都會定下新年計劃，係咪實踐到就閣下自知。不過英國嘅 Gary McKee 就真係相當有毅力，仲維持新年計劃足足365日，。
2022年1月1日 Gary 定立目標，要每日跑一場馬拉松。佢每日朝早五點起身，跑幾個鐘之後返屋企瞓覺，然後下晝兩點返核電廠打工。如果放假，佢就會朝早八點起身，總之呢三百幾日，日日都跑一個42.195公里馬拉松。
Gary 話，佢因為每朝都出街跑步，留意到四季變化，仲認識咗好多街坊:
「我見過羊仔出世，又見到雞仔喺馬路上奔走，亦欣賞過冬天嘅雪景。同埋，好多街坊知我每日跑步，都好樂意畀水我飲，畀嘢我食，有人甚至陪我跑返段。」
佢跑埋2022呢幾日後，會先休息一排，同屋企人去旅行後，再計劃下一個目標。
Gary 呢項計劃係為咗研究癌症機構籌款，佢爸爸長年受癌症困擾。而佢跑咗三百幾日，已經籌得超過400,000英鎊 (約375萬港幣)。
Gary每日都將路線公開
Gary McKee’s Three Six Five Challenge
資料: Insider
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。