今年年初，挪威人 Jonas Felde Savaldrud 於雪地赤足挑戰半馬，成功以1:44:58打破封14年嘅健力士世界紀錄。點知呢項仲未被健力士官方承認，已經被人再次打破。
來自挪威嘅 Jonas Felde Sevaldrud，上星期打破一項半馬健力士紀錄，時間係1:44:58。咪睇呢個時間好普通，Jonas跑呢21公里，係要赤足兼且喺雪地進行。
呢項紀錄正式名稱係「雪地赤足半馬拉松」。據報，Jonas…
Posted by Fitz on Friday, February 5, 2021
雪地赤足半馬新紀錄
破紀綠係西班牙人 Karim El Hayani，佢早前喺加拿大魁北克創出1:36:45嘅新紀錄。
Karim 今年27歲，跑齡13年，佢話最初跑步時，已經覺得被對鞋包到實好唔舒服。結果發現，赤足跑步真係 free 到爆，而家佢連踢波、越野跑，大多數時間都係赤腳。
Karim 話由西班牙搬到加拿大居住，天氣同西班牙好唔同，所以最初都要慢慢適應雪地跑步嘅感覺。而 Karim 為咗呢次挑戰，亦都痛下苦功。佢原本喺舊年11月挑戰過一次，不過因為準備不足以及天氣唔好，結果要中途放棄。
呢次成功打破健士紀錄，Karim 亦要等待有關方面嘅核準先可以作實。之後，Karim 計劃會以赤腳完成撒哈拉馬拉松，完成冰火大挑戰。
資料: CBC
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
