Fitz > 運動 Sports > 跑步 Running > 要成功搞好一個活動非易事

要成功搞好一個活動非易事_01 要成功搞好一個活動非易事,特別係搞網上群組嘅活動。

在群組搞活動當然要有搞手,但更重要是有人報名參加先能成事。當你在面書開咗個event,早期又擔心冇乜人報名,到後期多人報名又怕難控制,內心百感交集。

由其是搞跑食團,安排路線方面,首要自己親身跑過及熟悉路段,其次要預計參加者完成時間。因多人參與群跑活動,當中參加者有快有慢,路途當中需要照顧同行較慢參加者,免得他們迷路走失。

安排食物方面,因中途不斷會有參加者加入,但另一方面,臨到活動前又會有參加者因事缺席,所以預計人數方面有一定困難。特別係供應食物份量,因不能加減更難預算。

仲有一種因素不能缺少,也不能控制。就係當日天氣情況,如天色明朗,大部份參加者都會依時到達。若果天公不做美,不但影響臨場參加人數,更不幸的話,因天氣惡劣而取消,令整整預備左幾個星期的心血,化為烏有。

所以一個活動成功,需要配合天時、地利與人和三方面,真係缺一不可。要成功搞好一個活動非易事_02更多:
Fitz.hk Facebook專頁
香港長跑行山比賽
國際大型長跑賽事
Fitz Running 跑步


文章為作者意見,不代表Fitz立場。