超邪惡山賽Barkley Marathons，2022年完賽者「清零」

今年 Barkley Marathons 於3月8日開跑，起跑時間比往年提早，天氣更寒冷，環境惡劣。結果，今屆賽事仍無人可以完成100英里，連續五年完賽者「清零」。

為何叫「超邪惡山賽」?

一言以蔽之，Barkley Marathons 係最艱難最痛苦比賽:

1. 路線設計在田納西州東部 Frozen Head State Park，地點亦是高度設防 Brushy Mountain 州立監獄的選址，因為地形陡峻，四野荒蕪，被稱為「第三道牆」。意謂即使你逃得出監倉和成功翻牆，都會被困在群山峻嶺中
2. 賽道極度『邪惡不仁』，全長100英哩 (跑過的人都話中伏，說一定不止100英哩)，選手要繞20英哩的起伏非常大的賽道跑5個圈，第1、2個圈走一個方向，第3、4個圈掉轉另一方向走，目的是要擾亂參賽者方向感，第5個圈最快起步的有權揀方向。爬升海拔達1萬8000米，相當於要在60小時內登5次富士山。
3. 參加者每跑一圈，就要搵出放喺賽道嘅書刊，再撕下同自己號碼布相同嘅書頁。跑完無書頁嘅參加者，會被判違規，取消資格 (每一圈號碼不一樣，以防出術)
4. 比賽嚴禁使用GPS

圖片來源 (按圖放大)

Barkley Marathons 2022

本年度賽事，只有 Karel Sabbe 同 Greig Hamilton 能夠開始第四圈，但都未能完成。Karel 用了32個鐘跑完三圈，第四圈黑夜進行，可惜偏離路線並且出現幻覺 (報道指 Karel 被發現時正與垃圾桶傾偈)，最後被當地警察護送返起點。至於 Greig 未能按照大會規距喺48個鐘內完成第四圈賽事，被逼棄賽。

Karel Sabbe 圖: 資料圖片

Greig Hamilton 圖: 資料圖片

Jasmin Paris 圖: 資料圖片

此外，仲有三名選手完成三圈比賽，與 Karel Sabbe 及 Greig Hamilton，一共有5名選手取得「Fun Run」資格。當中包括 Jasmin Paris，佢係自2013年以來，第一位於40小時內完成三圈嘅女參加者。

延伸閱讀:《有超邪惡食物 當然有超邪惡山賽 The Barkley Marathons》

資料: Running Magazine