Fitz > 運動 Sports > 跑步 Running > 跑步的美麗一面

點解跑步對我哋咁重要? 跑步唔單止可以燃燒脂肪,而且睇起嚟十分好,佢仲可以幫助骨骼結實,增強肌肉,改善心血管系統嘅壽命,提高能量水平同埋訓練能力,呢啲對身心健康都好緊要。

跑步係一種運動方法,可以令人類步行快速。跑步係世上最被低估嘅運動之一,因為跑步係我哋好細個嗰陣就學到嘅嘢,佢已經成為我哋生活嘅習慣。跑步對我嚟講,佢改變咗我嘅生活。跑步幫助我發現咗自己,並向自己展示咗我係一個點樣嘅人同幫助我克服眼前嘅一切。

職業足球員梁冠聰嘅跑步視角

我嘅好朋友梁冠聰係一位嚟自香港職業足球運動員,佢目前效力東方龍獅足球隊,我問佢跑步對佢意味住乜嘢,跑步同足球有咩直接關係,呢啲係不得不講嘅。

「跑步對我嚟講,係一個習慣。基本上每日都需要跑步,不過,比起跑馬拉松,短跑,足球世界嘅跑步可算係牽涉所有範疇。」

「一場90分鐘嘅比賽,當中涉及緩步跑,慢跑,中速跑同埋全速衝刺,距離短則兩米,長則三、四十米。所以,喺我哋日常訓練,需要顧及嘅跑法都較為全面,既要有耐力,亦要有爆發力,比起一般跑手,可能大家都能夠控制心目中嘅速度,喺不同路段採用不同戰術。不過,足球埸上,當你處於被動嘅時候,你冇得揀,只能追隨對方嘅決定及步伐,嘗試跟埋佢嘅方向。如果大家有興趣,不妨親身試試踢足球,你會感受到當中嘅跑步樂趣。」

我對跑步嘅睇法

跑步對我嚟講不僅係運動,仲代表你同自己之間嘅戰鬥。你決定要走得幾快,要走得幾遠至停落嚟。喺舊年我嘅跟腱斷裂之前,我用跑步做工具嚟幫我搵出生活中嘅答案,而無論同生意或者家庭有關嘅事情。跑步之所以美麗,係因為佢係一項艱苦嘅事情。當你決定着上鞋並開始跑步嘅時候,就已經承諾要完成擺在你面前嘅任務,而且冇任何隱藏空間。依家,我正由傷勢中慢慢恢復過嚟,我迫不及待想重新開始跑步,並再次體驗美麗嘅比賽。


文章為作者意見,不代表Fitz立場。