辛苦跑來志在食

「我唔想跑 interval 呀! 好辛苦呀!」
「我無時間練長課呀!」
「我怕傷膝頭呀!」

如果你唔想練跑，你總會搵到一個冠冕堂皇的理由或藉口。對大嬸而言，堅持跑步的理由只有一個：辛苦跑來志在食。

大嬸只是一個普通女人，最緊要開心，有得玩有得食就好滿足。跑步是一道數學題：消耗幾多卡路里就可食番幾多。大嬸向來精打細算，審慎理財，量入為出絕對無難度。

大嬸一向堅守嚴選賽事的慳家原則，最近與 三嬸一叔 重出江湖，組隊報名參加 Pasta Run。這個集合食嘢、玩嘢、慈善籌款和跑步於一身嘅 fun run，報名費$200，絕對超值!

賽事四人一隊，自訂路線，在3小時內到達大會指定的三間餐廳，並食足三餐。第一站先食份 pasta，然後跑數公里到第二站，享用一份蛋白餐，補充一下流失的肌肉，最後一站以女生最愛的甜品作結。

賽事收入全數捐獻 Mind Hong Kong ，用作推動香港精神健康的認知和理解，確保受精神健康困擾的人得到認同、支持和尊重，十分有意義。

賽事另一亮點是設有「最佳服裝獎」，大嬸最貪玩和愛扮鬼扮馬。立刻和隊友商量當天的造型。夏日炎炎，大嬸打算以西瓜造型出現。在淘寶找到一件非常適合的裙子，立即下單。可惜到收到現貨後，發現理想和現實相距甚遠，任憑大嬸如何精明，最後還是輸給P圖科技 (見圖)!

大嬸唯有繼續在淘寶採購造型服飾，其實隊友們初時反應不大熱烈，可能覺得一把年紀仲整古做怪? 後來大嬸找了幾款十分吸睛的 cosplay 服飾，他們雙眼立即發亮，大家忽然熱起來，有信心拿下獎項。究竟比賽當天三嬸一叔將以什麼造型出戰? 大家拭目以待。

Pasta Run

日期: 2021年6月26日
時間: 分9:30、10:30、11:30三組出發，限時180分鐘
地點: 起點是灣仔店、經中環店、終點是堅尼地城店
距離: 路線自訂，約6-8K之間
隊際: 4人1隊
費用: $200
獎項: 三支最佳服裝造型隊伍，分別獲巨型pasta，每位完成之參加者可獲限量版紀念品，所以記住唔洗急，最緊要 chok
報名: 連結