由777票選出嚟，支持率得13%嘅香港特別行政區行政長官林鄭月娥，早前表明「飲醉少少會有更親密行為，增加交叉感染風險」。事實上，唔少人都對飲酒有莫名恐懼，早幾年有人搞過 Beer Run 活動，最後遭受全方位攻擊，活動要草草收場。
不能否認，同好多生活習慣一樣，過度放縱總會有壞影響。過度飲酒，會引發起身體唔少問題，例如肝硬化、血壓高，甚至會破壞腦部組織。不過，禁酒係咪一個好方法，令市民遠離酒精傷害?
跑步可修復傷害
美國侯斯頓大學 (University of Houston) 於2016年發表研究，發現帶氧運動可以修復因過度飲酒而破壞嘅腦細胞。研究搵雌性老鼠做測試，發現飲酒之後亦有做運動嘅老鼠，腦部嘅「海馬體神經元」比無做運動嘅多20%，證明飲酒過度雖然會損害腦部，不過透過帶氧運動可令呢啲細胞復元。
負責研究嘅 Leasure 教授補充，雖然研究成立，不過有做運動唔代表可以隨便飲酒，因為酒精會帶來腦部以外嘅傷害。
研究無話飲咗酒如果想有「親密接觸」應該點做，Leasure 教授強調，如果飲得太多酒，落街跑下步，都係明智嘅決定。
資料: NY Times
講求綠色、環保、天然的健康生活。推廣新一代健康生活文化。
