香港越野跑路線: 劏大魚 (大嶼山兩極從北到南)

「劏青蛙」之外，越野跑路線亦「劏大魚」。「大魚」者，「大嶼山」也，所謂「劏大魚」即是用雙腿攀山越嶺貫穿大嶼山，最常於大嶼山最北燈塔「汲水門343燈塔」起步，終點為最南之分流燈塔。路線將大嶼山從中間劏開，穿越接近20座山峰。

劏大魚 越野跑路線

• 距離: 約50公里
• 總爬升: 約3,600米
• 路線: 汲水門343燈塔 (起點) – 花瓶頂 – 大陰頂 – 大山 – 四白坳 – 犁壁山 – 三白坳 – 大輋峒 – 二白坳 – 老虎頭 – 望渡坳 – 鴨腳瀝 – 蓮花山 – 二東山 – 大東山 – 鳳凰山 – 昂坪(補給點)  – 觀音山 – 羌山 – 靈會山 – 大磡森 – 深坑瀝 – 分流頂 – 分流燈塔 (終點)

 補給及路線特點

• 補給: 沿路可補給地點不多，白芒及分流村有士多，但唔係日日開。較穩陣嘅補給點，就係昂坪市集。
• 當中幾段路相當陡峭，需要手足並用，最好帶備手套
• 部份路段要穿過密林
• 終點分流燈塔無車可到，可回頭跑7公里到石壁搭車
• 起步夠早，腳程夠快，就可於香港最西部一睹聞名嘅分流日落。

** 此段路相當艱難，不適合新手及炎夏挑戰。出發前先做好規劃，帶備足夠糧水裝備。 **

• 參考遊記《[大嶼兩極] 縱走大嶼山 由北到南》