媽媽肯定係世上最堅毅、最勇敢、最有忍耐力嘅生物。呢位媽媽，意志力就更為驚人，因為佢推住3個小朋友，跑出一個震驚14億人嘅時間，打破世界紀錄。
35歲媽媽 Cynthia，佢唔剩止鍾意長跑，仲係推住佢嘅小朋友一齊跑。2018年，佢已經以1:29:08打破「推住3個小朋友跑半馬」嘅世界紀錄。之後，佢決意要打破埋全馬嘅世界紀錄，於是由冬天開始，堅持練習，每日跑超過30公里 (佢練習係私自跑，唔會推住BB)。
雖然加緊練習，不過佢仍然有危機。因為三位小朋友: 一位6歲、一位歲、一位1歲，一日一日長大，亦越來越重。到正式比賽時，三位加埋有成185磅!
好彩 Cynthia 喺正式比賽時，發揮正常，跑出3:11，比之前紀錄4:04快足成個鐘!
賽後，有記者問 Cynthia 做乜搵啲咁嘢嚟搞，佢答:
「我住喺蒙太拿，推BB車出出入入係我日常嘅生活。同小朋友一齊做運動亦我好鍾意做嘅事。」
遲下當家豪同潔貞生多幾個，都有潛力去打破呢項世界紀錄!
資料來源: Runner’s World
Fitz連結:
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
