大家未必知道今屆渣馬邊位選手冠軍，但一定知道周潤發「發哥」10公里嘅成績係1個鐘 (晶片時間58:58)。藝人參賽成為今屆渣馬亮點，其中包括 RubberBand 嘅主音「6號」繆浩昌。
「6號」參賽嘅新聞似乎被媒體忽略，不過佢喺IG所講嘅，絕對係一個勵志故事:
自小體弱，好怕做運動，特別係怕長跑。多年之後，終於克服難關，由3公里開始慢慢跑上去，已經可以喺平緩路面慢慢跑。拖拉多年，今屆終於第一次參加渣打香港馬拉松，完成10公里。
「6號」仲話，賽道上群眾嘅打氣畀到「唔停步」嘅堅持，亦話見到視障人士參賽，受到好大鼓舞。
最後，「6號」亦不忘鼓勵香港人，提醒大家「難關面前，不容放棄，只要堅持，好快便能捱過去。」
按: 「六號」渣馬10公里跑出 1:02:28，晶片時間 1:00:32。
「6號」話自己唔係運動健將，不過佢其實一直有打拳，廿幾歲時用30小時完成毅行者，早前去行杯靈雙渡亦有出post 。
在 Instagram 查看這則貼文
我愛櫻木!
